Haltu áfram til að sjá tillögur að niðurstöðum

    Svör fyrir ferðamenn varðandi COVID-19

    Kynntu þér hvernig við styðjum við ykkur með sveigjanlegum ferðavalkostum, hreinni gistingu og fleiru.
    Höf: Airbnb, 10. mar. 2020
    6 mín. lestur
    Síðast uppfært 25. jún. 2021

    Við vitum að það er enn mikil óvissa varðandi COVID-19 og hvort sjúkdómurinn hafi áhrif á orlofsáætlanir þegar endurkoma ferðalaga á sér stað á komandi mánuðum. Til að styðja við ferðalanga fylgjumst við með spurningum ykkar og svörum nokkrum þeirra hér. Við uppfærum þessa síðu áfram eftir því sem ástandið breytist og fleiri svör berast.

    Ég þarf að afbóka ferð. Hvaða valkosti hef ég?
    Gestgjafi ákvarðar afbókunarreglur sínar og þær geta verið mismunandi. Nánari upplýsingar um afbókunarreglu gistingar er að finna á aðalsíðu hverrar skráningar eða í hlutanum ferðir á vefsíðu Airbnb eða í appinu fyrir fyrirliggjandi bókanir.

    Gestir sem bóka eftir 14. mars 2020 fá ekki endurgreitt samkvæmt reglum um gildar málsbætur ef þeir afbóka vegna COVID-19 nema þeir séu veikir af COVID-19. Frekari upplýsingar um reglur okkar um gildar málsbætur.

      Mig langar að bóka ferð en er ekki viss um hvort ástandið varðandi COVID-19 eða alþjóðlegar ferðatakmarkanir muni breytast frekar. Hvað ætti ég að gera?
      Skiljanlega gætir þú verið óviss í augnablikinu um að bóka ferð fram í tímann. Við hvetjum alla gesti eindregið til að kynna sér vandlega afbókunarregluna fyrir allar bókanir sem þeir gera og velja skráningar sem veita sveigjanleika. Við höfum bætt við síu til að auðvelda leitina að gistingu með sveigjanlega afbókunarreglu. Við höfum einnig útbúið þetta úrræði til að hjálpa ferðamönnum að fá frekari upplýsingar um mögulegar ferðatryggingar þriðja aðila. Gestir sem bóka aftur eftir 14. mars 2020 fá ekki endurgreitt samkvæmt reglum um gildar málsbætur ef þeir afbóka vegna COVID-19 nema þeir séu veikir af COVID-19.

      Hvernig get ég fundið gistingu með sveigjanlegum afbókunarreglum?
      Við höfum bætt við síu til að auðvelda leitina að gistingu með sveigjanlega afbókunarreglu. Frekari upplýsingar um síuna. Hafðu í huga að gestgjafi ákvarðar afbókunarreglur sínar og þær geta verið mismunandi. Nánari upplýsingar um afbókunarreglu gistingar er að finna á aðalsíðu hverrar skráningar.

      Hvar get ég fundið frekari upplýsingar um ferðatakmarkanir og -ráðleggingar á staðnum?
      Staðbundnar ferðaráðleggingar hafa verið gefnar út víða vegna gistingar (þar á meðal vegna skammtímagistingar). Við mælum með því að skoða ferðatakmarkanir og -ráðleggingar á staðnum til að komast að því hvort dvöl þín verði fyrir áhrifum.

      Ég get ekki fengið endurgreitt samkvæmt afbókunarreglu gestgjafa míns. Af hverju?
      Airbnb er samfélag gesta og gestgjafa sem tengjast í gegnum verkvanginn. Gestgjafar ákveða verðið hjá sér, sértækar reglur fyrir fasteign sína og afbókunarreglu. Nánari upplýsingar um afbókunarreglu gistingar er að finna á aðalsíðu hverrar skráningar eða í hlutanum ferðir á vefsíðu Airbnb eða í appinu fyrir fyrirliggjandi bókanir. Í mörgum tilvikum treysta gestgjafar á tekjur sínar af Airbnb til að ná endum saman og því getur þeim reynst erfitt að veita undanþágur frá reglum sínum.

      Gestgjafi var að afbóka hjá mér. Hvað gerist núna?
      Við vitum að afbókanir geta verið óþægilegar, jafnvel þegar ástæður afbókunarinnar eru skiljanlegar. Hafðu í huga að margir gestgjafar sem afbóka gætu hafa orðið fyrir áhrifum af COVID-19 eða verið að vernda velferð alls samfélagsins með gjörðum sínum.

      Ef gestgjafinn þinn afbókar gætir þú átt rétt á fullri endurgreiðslu. Frekari upplýsingar um endurgreiðslu þína er að finna í hlutanum ferðir á vefsíðu Airbnb eða í appinu.

      Ef þú þarft enn að ferðast vonum við að þú bókir aftur á Airbnb.

      Hvers konar heilsu-, öryggis- og ræstingarreglur eru til staðar fyrir gesti og gestgjafa meðan á dvöl stendur?
      Öryggi samfélagsins er í forgangi hjá okkur. Við höfum því útbúið skyldubundið regluverk vegna COVID-19 fyrir gestgjafa og gesti eigna á Airbnb sem byggir á leiðbeiningum frá Alþjóðaheilbrigðismálastofnuninni og Sóttvarnarstofnun Bandaríkjanna. Gestgjafar um allan heim lofa að fylgja uppfærðu verklagi varðandi öryggi og þrif vegna COVID-19 til að þú þurfir ekki að hafa áhyggjur. Frekari upplýsingar hér.

      Nýlega höfum við sagt skilið við almennar, alþjóðlegar kröfur um grímunotkun og nándarmörk. Við erum í staðinn farin að biðja gestgjafa og gesti um að fylgja lögum og tilmælum á staðnum þar sem Airbnb er með eignir skráðar um allan heim og mismunandi samfélög eru á mismunandi stigi hvað varðar að ná tökum á COVID-19. Við mælum með því að þú skoðir almennar heilsu- og öryggisleiðbeiningar varðandi COVID-19, fylgist með gildandi opinberum ferðatakmörkunum og -ráðleggingum og fylgir öllum viðmiðunarreglum landinu og á staðnum þegar þú ferðast.

      Ég vil bóka staðbundna upplifun á Airbnb. Hvað þarf ég að vita?
      Við höfum opnað aftur fyrir staðbundnar upplifanir þar sem það er heimilt og við kynntum heilsu- og öryggisreglur þar sem farið er fram á að gestgjafar og gestir noti andlitshlífar og gæti nándarmarka þegar þess er krafist samkvæmt lögum og tilmælum á staðnum. Við þurfum mögulega að gera hlé á upplifunum vegna opinberra takmarkana svæðis eftir að þær opna aftur og við látum þá vita af því. Þú færð afsláttarkóða upp á USD 25 til að taka þátt í upplifun síðar hafir þú bókað upplifun í landi þar sem gert var hlé á upplifunum. Frekari upplýsingar um enduropnun

      Ef þú vilt aðeins fara í upplifun með hópnum þínum skaltu íhuga einkabókun. Skoðaðu netupplifanir okkar ef ekki er búið að opna aftur fyrir upplifanir á þínum markaði. Hvort sem þú vilt læra nýja kúnst, gera eitthvað skemmtilegt með vinum eða stunda hópefli með vinnufélögunum getur þú nú gert það á öruggan hátt heima hjá þér. Úrval netupplifana er þegar orðið mjög fjölbreytt; frá því að læra leyndardóma eldamennskunnar með marokkóskri fjölskyldu til þess að iðka hugleiðslu með búddamunki.

      Verða gestir að fylgja öryggisreglum Airbnb vegna COVID-19?
      Það er mikilvægt með heimsfaraldurinn geisandi að við gerum okkar besta til að hægja á dreifingu COVID-19. Með þetta í huga höfum við kynnt skyldubundnar öryggisreglur sem allir í samfélagi Airbnb verða að fylgja, en þær byggja á leiðbeiningum heilbrigðissérfræðinga eins og hjá Sóttvarnarstofnun Bandaríkjanna. Gestir og gestgjafar verða samkvæmt öryggisreglunum að samþykkja að nota grímu eða andlitshlíf í persónulegum samskiptum og virða alltaf 2ja metra (6 feta) regluna sín á milli.

      Ég bókaði gistiaðstöðu á Airbnb vegna viðburðar sem var aflýst. Get ég afbókað?
      Við vitum að margir ferðalangar bóka gistingu á Airbnb fyrir viðburði. Ef þú ætlaðir á viðburð sem var aflýst og bókunin þín fellur ekki undir reglur okkar um gildar málsbætur skaltu skoða afbókunarregluna fyrir bókunina þína. Þú getur einnig haft samband beint við gestgjafann þinn.

      Hvaða reglur eiga við um gildar málsbætur?
      Reglur Airbnb um gildar málsbætur gefa gestum og gestgjöfum kost á að afbóka að kostnaðarlausu vegna áhrifa af alvarlegum meiðslum eða veikindum, náttúruhamförum, ferðatakmörkunum eða öðrum ófyrirsjáanlegum atburðum. Gestir sem bóka eftir 14. mars 2020 fá ekki endurgreitt samkvæmt reglum um gildar málsbætur ef þeir afbóka vegna COVID-19, nema þeir séu veikir af COVID-19. Afbókunarleiðir í boði fyrir bókun þína er að finna í hlutanum ferðir á vefsíðu Airbnb eða í appinu.

      Ég bókaði eign í Airbnb Luxe. Nýt ég góðs af reglum um gildar málsbætur?
      Reglur okkar um gildar málsbætur eiga ekki við um bókanir hjá Airbnb Luxe sem falla undir sérstakar reglur Luxe um endurgreiðslu til gesta.

      Get ég nálgast frekari úrræði sem ég get fylgst með á ferðalögum?
      Skoðaðu þetta úrræði ef þú vilt fá uppfærðar upplýsingar um ferðatakmarkanir og leiðbeiningar.

      Til að hægja á dreifingu COVID-19 getur þú sótt öpp fyrir tilkynningar um útsetningar í símann þinn. Þessi forrit frá þriðja aðila, sem eru þróuð af lýðheilsuyfirvöldum um allan heim notast við tækni frá Google og Apple, láta þig vita ef þú hefur komist í náið samband við einhvern sem hefur reynst smitaður af COVID-19. Nálgastu frekari upplýsingar um tilkynningar um útsetningar, friðhelgisvenjur þeirra og hvernig megi fá tilkynningar.

      Ég hef aðrar spurningar. Við hvern ætti ég að hafa samband?
      Vegna víðtækra áhrifa af COVID-19 á alþjóðleg ferðalög berast þjónustuveri okkar enn gríðarlega mörg símtöl og skilaboð sem stendur. Ef aðstæður þínar krefjast tafarlausrar aðstoðar þjónustufulltrúa geturðu alltaf haft samband við okkur í appinu.

      Þú getur einnig fundið svör við mörgum spurningum þínum í ákveðnum verkfærum fyrir sjálfsafgreiðslu sem við bjóðum upp á til að auðvelda fólki að leysa úr vandamálum á eigin spýtur. Opnaðu þetta úrræði til að nálgast upplýsingar um uppfærðar ferðatakmarkanir eða hjálparmiðstöðina fyrir frekari úrræði og upplýsingar.

      Við vitum hversu raskandi áhrif COVID-19 hefur haft á ferðamenn og við erum ykkur innan handar. Takk fyrir að vinna með okkur til að tryggja öryggi og hollustu samfélagsins okkar.

      Upplýsingarnar í þessari grein gætu hafa breyst frá birtingu.

      Airbnb
      10. mar. 2020
      Kom þetta að gagni?