Kannaðu ný upplifunarverkfæri

Glænýja Airbnb appið hefur allt það sem þú þarft til að hafa umsjón með upplifuninni þinni. Verkfæri gestgjafa hjálpa þér að einfalda skipulagið, hvetja til bókana, eiga í samskiptum við gesti, skoða tekjuupplýsingar og fá innsýn um einkunnir og umsagnir.

Þú getur nálgast verkfærin á þessum fimm flipum á gestgjafasíðunni þinni.

Dagsflipinn er það sem þú sérð þegar þú opnar appið. Þú getur skoðað bókunarupplýsingar á augabragði til að skipuleggja daginn og veita framúrskarandi gestrisni.

• Skiptu á milli yfirlita bókana í dag og væntanlegra bókana til að vera með það á hreinu hverjum þú tekur á móti og hvenær.
• Skrifaðu minnispunkta fyrir þig við bókanir, eins og áminningar um sérstaka viðburði eða beiðnir.
• Fáðu ábendingar um verk tengd hverri bókun, eins og að deila mikilvægum upplýsingum til að hjálpa gestum að undirbúa sig.

Endurhannaða dagatalið er með nýju og handhægu daglegu yfirliti. Þú getur auðveldlega yfirfarið og uppfært dagskrána, hverja klukkustund fyrir sig.

• Tilgreindu framboð fyrir upplifun þína og veldu hvaða viðburði þú vilt bjóða með endurteknum hætti.
• Samstilltu dagatöl þín á Airbnb og Google til að halda utan um allt á einum og sama staðnum.
• Skoðaðu fjölda staðfestra gesta fyrir hvern viðburð sem þú ert með á dagskrá.
• Stilltu sérsniðið verð fyrir tiltekna daga og tíma til að stuðla að bókunum.

Gestir geta bókað alla lausa tíma á dagatalinu þínu tafarlaust og því skiptir öllu máli að þú uppfærir framboðið hjá þér jafnóðum.

Skráningarflipinn hjálpar þér að hafa umsjón með skráningarupplýsingum. Þú getur uppfært verð og kynnt upplifunina fyrir gestum.

• Bjóddu tímabundinn afslátt, forkaupsafslátt og afslátt fyrir stóra hópa til að hvetja gesti til að bóka.
• Settu inn hágæða skráningarmyndir til að gefa réttar væntingar og svo að skráningin bera af.
• Uppfærðu dagskrána í samræmi við breytingar á staðsetningu eða athöfnum.
• Breyttu stillingum eins og hópstærð, lokatíma bókunar og aðgangsheimildum samgestgjafa að skráningunni.
• Tilgreindu aðgengiseiginleika, þar á meðal hvað varðar sjón- og talstuðning.

Allir gestgjafar, myndir og skráningarupplýsingar verða að uppfylla viðmið og kröfur fyrir upplifanir Airbnb.

Skilaboðaflipinn hjálpar þér að eiga í samskiptum við gesti fyrir upplifun, meðan á henni stendur og að henni lokinni. Þú getur sent skilaboð í hópþræðinum sem er búinn sjálfkrafa til fyrir hvern viðburð.

• Deildu myndböndum eða myndum til að kynna þig áður en upplifunin fer fram eða til að rifja upp eftirminnileg augnablik að henni lokinni.
• Sendu gesti einkaskilaboð til að fylgja eftir tilteknum beiðnum ef þörf krefur.
• Svaraðu algengum spurningum með sérsníðanlegum, forskrifuðum hraðsvörum eða búðu til þín eigin sniðmát.
• Tímasettu hraðsvör til að senda mikilvægar upplýsingar sjálfkrafa á lykilstundum, eins og við bókun og daginn áður en upplifunin fer fram.
• Hafðu samband við þjónustuver Airbnb eða sendu gestgjafa skilaboð þegar þú notar appið sem gestur.

Frá valmyndinni getur þú skoðað tekjur þínar, innsýn og aðrar stillingar. Þú færð sérsniðnar ábendingar og fleiri úrræði til að bæta reksturinn.

• Skoðaðu tekjur þínar og útbúðu sérsniðnar skýrslur í tekjustjórnborðinu.
• Skoðaðu athugasemdir frá gestum í endurhannaða hlutanum fyrir innsýn og hvernig heildareinkunn þín stenst samanburð við svipaðar upplifanir.
• Hafðu umsjón með aðgangsstillingum og kynntu þér úrræði fyrir gestgjafa.

Upplýsingarnar í þessari grein gætu hafa breyst frá birtingu.