Skýr og einföld útritun

Útritunin er tækifæri til að veita gestum þínum góða lokaupplifun af dvölinni. Með því að gefa skýrar væntingar, veita einfaldar útritunarleiðbeiningar og senda áminningar getur þú einfaldað bæði gestaumsjónina og útritunarferli gesta þinna. 

Þú getur bætt útritunarleiðbeiningum við komuleiðbeiningarnar í umsjónartóli skráningarsíðunnar. Útbúðu lista yfir það sem þarf að sinna fyrir útritun með því að velja úr þessum lista yfir algeng verk:

• Komdu notuðum handklæðum fyrir á einum stað
• Hentu ruslinu
• Slökktu á ljósum og tækjum
• Læstu á eftir þér
• Skilaðu lyklum

Þú getur bætt við nánari upplýsingum fyrir hvert verk. Þú gætir til dæmis beðið gesti um að henda úrgangi í eina körfu og endurvinnanlegu efni í aðra. Þú getur einnig tekið fram frekari beiðnir sem eiga sérstaklega við um heimilið, eins og að breiða yfir grillið eftir notkun.

Gestir geta skoðað útritunarleiðbeiningar og húsreglur áður en þeir bóka. Að bókun lokinni geta þeir nálgast útritunarleiðbeiningar á ferðaflipanum ásamt húsreglum, upplýsingum um þráðlaust net og öðrum mikilvægum upplýsingum. 

Gestir gera ráð fyrir einfaldri útritun sem felur ekki í sér nein þrif. Samkvæmt grunnreglum heimilisgesta ættu þeir ekki að skilja við eignina í ástandi sem krefst mikilla eða ítarlegra þrifa. 

„Við viljum halda útritunarferlinu okkar eins einföldu og mögulegt er,“ segir Keshav, ofurgestgjafi í Nýju-Delí. „Ræstiþjónustan sér um allt sem gera þarf.“

Útritunarkort er þægileg leið til að senda útritunarupplýsingar til gesta þinna. Eftir að þú tilgreinir útritunarleiðbeiningar getur þú bætt útritunarkorti við hraðsvar. Kortið inniheldur hlekk á útritunarleiðbeiningar þínar.

Með því að tímasetja hraðsvar tryggir þú að gestir fái áminningu um útritun, jafnvel þótt þeir séu ekki með appið eða hafi slökkt á tilkynningum í síma. Gestirnir fá tölvupóst ásamt einkaskilaboðum frá þér.

Airbnb sendir gestum sjálfkrafa útritunarleiðbeiningar og áminningu um útritunartíma. Áminning sendist sem tilkynning í síma viðkomandi, daginn fyrir útritun kl. 17:00 á staðartíma eignarinnar. 

Til að fá þessa áminningu þurfa gestir að vera með Airbnb appið uppsett hjá sér og hafa kveikt á tilkynningum í síma. Þegar gestir hafa lokið útritun geta þeir látið þig vita með einu pikki eða smelli.

Það gæti verið góð hugmynd að útskýra hvers vegna það er mikilvægt að útrita sig á tilsettum tíma. „Ég læt gesti vita að ræstitæknirinn mæti kl. 11:00 til að búa eignina undir næstu gesti, þannig að þeir átti sig á mikilvægi þess að útritun fari fram á tilsettum tíma,“ segir Joh, ofurgestgjafi í Forestville, Kaliforníu.

Eftir að gestir hafa útritað sig geta þeir gefið einkunn fyrir upplifun sína af samskiptum við þig og tilgreint það sem gekk vel og hvað mætti betur fara. Einn valkosturinn er að tilkynna „of mörg verk til að sinna fyrir útritun“. Skráningar sem fá ítrekað lágar einkunnir vegna óraunhæfra verka til að sinna gætu verið teknar út af Airbnb.

Gestir velja einnig heildareinkunn fyrir dvöl sína. Athugasemdir og stjörnueinkunn fyrir tiltekna þætti eins og samskipti, hafa ekki áhrif á stöðu ofurgestgjafa.