Endurbættar einkunnir og umsagnir

Gestir reiða sig á einkunnir og umsagnir til að átta sig á gæðum tiltekins heimilis áður en þeir bóka. Gestir hafa þó sagt okkur að það hafi verið of erfitt að finna umsagnir sem snéru að því sem skipti þá mestu máli hverju sinni.

Það er ástæða þess að við endurhönnuðum umsagnasíðuna og bættum við þremur nýjum eiginleikum til að gera umsagnir auðlesanlegri og gagnlegri.

Í umsagnahlutanum á skráningarsíðunni sýnir nýtt graf hvernig umsagnir þínar dreifast hlutfallslega frá einni til fimm stjarna. Þetta gerir gestum kleift að sjá fjölda jákvæðra og neikvæðra umsagna sem heimilið þitt hefur fengið, í fljótu bragði.

Gestir geta nú raðað umsögnum þínum frá þeim hæstu eða nýjustu til að nálgast þær sem snúa að því sem skiptir þá mestu máli, með einföldum hætti. Með þessum hætti geta gestir annað hvort nálgast allar fimm stjörnu umsagnirnar á einum stað eða skoðað umsagnir í tímaröð frá þeim nýlegustu.

Stjörnugjöfin birtist nú við hliðina á hverri umsögn og setur þannig athugasemdir gesta í betra samhengi. Ef gestur gefur eigninni þinni fjórar stjörnur en gefur henni frábæra umsögn fá væntanlegir gestir betri tilfinningu fyrir heildareinkunninni.

Umsagnir innihalda nú einnig nánari upplýsingar um þann sem skrifar þær og ferð viðkomandi, meðal annars hvaðan gesturinn kemur, hve lengi var gist og hvort ferðast hafi verið með fjölskyldu, gæludýrum eða hópi. Þetta mun gagnast væntanlegum gestum við að nálgast umsagnir sem eiga betur við um þeirra eigin ferð.

Ef gestur ferðaðist til dæmis með börnum birtist merkið dvaldi með börnum fyrir ofan umsögn viðkomandi. Ef gestur gisti í sjö nætur myndi merkið dvaldi í viku birtast fyrir ofan umsögn viðkomandi.*

Endurbættar einkunnir og umsagnir, nýi skráningarflipinn og enn fleiri uppfærslur fyrir gestgjafa eru hluti af vetrarútgáfu Airbnb 2023.

*Notendaupplifun getur verið mismunandi eftir staðsetningu.

Upplýsingarnar í þessari grein gætu hafa breyst frá birtingu.