Tímanleg svör til gesta

Tímanleg og skýr samskipti eru lykillinn að fimm stjörnu gestaumsjón. Gestir segja að það sé mikilvægt að fá gagnlegar leiðbeiningar og skjót svör. Leggðu þig fram um að veita þær upplýsingar sem gestir þarfnast, þegar þeir þarfnast þeirra.

Fólk þarf að sinna ýmsu á ferðalögum. Reyndu að veita gagnlegar upplýsingar án þess að þær séu yfirþyrmandi fyrir gesti.

• Tímasettu hraðsvör. Hraðsvör eru stutt, forskrifuð skilaboð sem þú getur sett upp til að deila upplýsingum með gestum á lykilstundum með sjálfvirkum hætti. Margir gestgjafar senda til dæmis leiðarlýsingu að eign sinni í tímasettum kynningarskilaboðum daginn fyrir innritun.

• Skrifaðu ítarlegar húsleiðbeiningar. Vertu með skýrar leiðbeiningar um hvar er að finna mikilvæga hluti og ítarlegar leiðbeiningar fyrir tæki.

• Hafðu gagnlegar upplýsingar á mörgum stöðum. Þú gætir komið fyrir notkunarleiðbeiningum nálægt hitastillinum og útigrillinu sem og í húsleiðbeiningunum þínum. Gestir ættu að geta fundið þær upplýsingar sem þeir þurfa án þess að þurfa að leita að þeim.

Gestir gera ráð fyrir að þú svarir með skjótum hætti, einkum á innritunardegi eða ef vandamál koma upp meðan á dvölinni stendur. Ef spurningar eru ekki áríðandi er raunhæft að svara innan 12 klukkustunda, en það er best að svara sem fyrst. Þú ættir að svara innan klukkustundar ef málið er áríðandi, til dæmis ef lykil vantar.

• Settu inn tilkynningar. Notaðu Airbnb appið til að fylgjast með skilaboðum gesta. Kveiktu á tilkynningum í appinu og stillingum tækisins, hafðu tækið við höndina með kveikt á hljóðinu og fylgstu með skilaboðum öðru hverju meðan á dvölum stendur.

• Vertu með varaáætlun. Útvegaðu aðstoð þegar þú ert ekki til taks. Finndu samgestgjafa eða aðra manneskju sem getur aðstoðað þig og láttu gesti hafa samskiptaupplýsingar viðkomandi.

• Notaðu hraðsvör. Þetta gerir þér kleift að svara ákveðnum spurningum enn hraðar með því að skrifa svör fyrirfram. Þú getur breytt forskrifuðum sniðmátum Airbnb eða útbúið þín eigin svör. Þú gætir til dæmis sett inn hraðsvar þar sem þú tilgreinir uppáhaldsveitingastaðina þína í nágrenninu til að senda þegar gestum þegar þeir biðja um ráðleggingar á staðnum.

Reyndu að skoða allar aðstæður út frá sjónarhorni gesta, sérstaklega þegar eitthvað fer úrskeiðis. „Góð samskipti verða til þess að gestum líður vel, sem er kjarni gestaumsjónarinnar,“ segir Sadie, ofurgestgjafi í Santa Fe, Nýju-Mexíkó.

• Sýndu stillingu. Óvænt vandamál geta verið áskorun fyrir alla. Einbeittu þér að því að leysa úr málinu.
• Sýndu gagnsæi. Láttu gesti vita að þú hafir fengið beiðnina og að þú sért að vinna í málunum. Útskýrðu hvenær þú býst við að finna lausn og hvernig þú lætur viðkomandi vita.
• Svaraðu af samkennd. Settu þig í spor gestsins. Litlir hlutir geta verið stórmál þegar þeir eiga sér stað fjarri heimili manns.

Upplýsingarnar í þessari grein gætu hafa breyst frá birtingu.