Að veita ítarlegri upplýsingar
Þú gætir velt fyrir þér af hverju beðið er um tilteknar persónuupplýsingar þegar þú útbýrð skráninguna. Þetta er gert til að hjálpa okkur að uppfylla lagaskilyrði sem kallast „þekktu viðskiptavin þinn“ (e. Know Your Customer eða KYC).
Hvað er „KYC“?
Kvöð um að þekkja viðskiptavini (KYC) er í regluverki til að vernda samfélag Airbnb gegn svikum og koma í veg fyrir peningaþvætti og fjármögnun hryðjuverka. Fyrirtæki sem hafa leyfi til að vinna úr greiðslum, eins og dótturfyrirtæki Airbnb á sviði greiðslna, verða að hafa KYC-ferli. Með öðrum orðum þurfum við að vita hver notar hvern aðgang að Airbnb og hver fær greitt.
Það sem er áskilið:
Við þurfum að vita fernt frá þér áður en þú getur birt skráninguna þína.
- Nafn að lögum: Þú gafst það upp þegar þú stofnaðir aðgang að Airbnb.
- Fæðingardagur og -ár: Þú gafst það upp þegar þú stofnaðir aðgang að Airbnb.
- Heimilisfang: Gefðu upp núverandi heimilisfang. Gestir sjá heimilisfang þitt ekki ef það er annað en heimilisfang skráningarinnar. Gestir sjá aðeins heimilisfang skráningarinnar eftir að bókunin hefur verið staðfest.
- Býður þú gestaumsjón á vegum fyrirtækis? Þetta þýðir almennt að reksturinn sé skráður hjá ríkinu eða hinu opinbera. Ef þú ert gestgjafi innan ESB merkir gestaumsjón á vegum fyrirtækis að þú hafir aðaltekjur þínar af gestaumsjón eða að þú vinnir hjá fyrirtæki eins og á hönnunarhóteli eða eignastýringarfyrirtæki.
Hvernig notar og geymir Airbnb þessar upplýsingar?
Upplýsingar þínar eru meðhöndlaðar í samræmi við friðhelgisstefnu okkar.
Hvað gerist ef ég gef ekki þessar upplýsingar?
Þessar KYC-upplýsingar eru áskildar til að þú getir fengið greitt. Þú getur ekki birt skráningu á Airbnb fyrr en þú gefur þessar upplýsingar.
Hvað tekur við?
Við gætum óskað eftir frekari upplýsingum eftir því hvar þú ert. Til dæmis sönnun á nafni þínu að lögum og fæðingardegi og -ári á opinberum skilríkjum.
Við óskum eftir fyrirtækjaupplýsingum frá þér eftir að þú birtir skráninguna þína ef þú sinnir gestaumsjón sem fyrirtæki. Sem dæmi gætum við óskað eftir fyrirtækjakennitölu, opinberum skráningarupplýsingum og upplýsingum um eigendur.
Upplýsingarnar í þessari grein gætu hafa breyst frá birtingu.