Nú getur þú skráð meira en bara eignir á Airbnb

Árið 2007 fengum við hugmynd: Hvað ef við myndum hanna leið fyrir fólk til að geta bókað heimili með jafn einföldum hætti og hótel? Síðan þá hefur Airbnb tekið á móti meira en tveimur milljörðum gesta og gjörbreytt því hvernig fólk ferðast. Frábær ferð snýst þó um meira en heimilið þar sem þú gistir. Það er ástæða þess að við kynnum:

• Þjónustu Airbnb — ótrúlegt úrval þjónustu til að gera ferðir gesta enn betri.
• Upplifanir Airbnb — skoðaðu borgina undir handleiðslu staðkunnugra íbúa.
• Glænýtt app Airbnb — Endurhannað app sem einfaldar gestgjöfum að hafa umsjón með heimilum sínum, þjónustu eða upplifunum og gestum að bóka. Allt á einum og sama staðnum.

„Fyrir sautján árum gjörbreyttum við því hvernig fólk ferðast. Nú, meira en tveimur milljörðum gesta síðan, hefur Airbnb orðið að samheiti fyrir gistingu,“ sagði Brian Chesky, meðstofnandi og forstjóri Airbnb. „Með tilkomu þjónustu og upplifana erum við enn og aftur að breyta ferðaheiminum. Nú getur þú skráð meira en bara eignir á Airbnb.“

Fólk velur oft hótel vegna þeirrar þjónustu sem þar er í boði, eins og herbergisþjónustu, líkamsræktaraðstöðu eða dekurs í heilsulind. Frá og með deginum í dag geta gestir notið þjónustu, beint frá gististað sínum á Airbnb.

Við kynnum þjónustu Airbnb — ótrúlegt úrval þjónustu sem gerir dvölina enn ánægjulegri. Við byrjum með tíu flokka í útvöldum borgum og komum til með að kynna nýja þjónustuliði og staðsetningar reglulega í Airbnb appinu. Fyrstu tíu flokkarnir eru:

• Kokkar — Máltíðir sem hægt er að sérsníða eftir smekk, framreiddar af matreiðslumeisturum beint á heimilinu.
• Ljósmyndun — Sérsniðnar myndatökur frá reyndum ljósmyndurum.
• Nudd — Endurnærandi nudd, þar á meðal sænskt nudd, djúpvefjanudd og svæðanudd frá reyndum nuddurum.
• Dekurmeðferðir — Andlitsmeðferðir, húðslípun, líkamsskrúbb og aðrar meðferðir hjá snyrtifræðingum.
• Einkaþjálfun — Jóga, styrktarþjálfun, áköf lotuþjálfun og fleira með einkaþjálfurum, þar á meðal þekktu líkamsræktarfólki og heimsmeisturum í íþróttum.
• Hár — Faglegar klippingar, blástur og fleira frá reyndum hársnyrtum.
• Förðun — Förðun fyrir hversdaginn eða sérstök tilefni hjá förðunarfræðingum.
• Naglasnyrting — Hand- og fótsnyrting frá reyndum naglasérfræðingum.
• Tilbúnar máltíðir — Tilbúnar máltíðir, lagaðar af matreiðslumeisturum.
• Veitingaþjónusta — Alhliða veitingaþjónusta með sérsniðnum matseðlum, skreytingum og útbúnaði ásamt uppsetningu og þrifum.

Þjónusta Airbnb er vottuð með tilliti til gæða og viðmiða sem snúa að þekkingu, menntun, orðspori og fleiru. Þjónustugestgjafar hafa áralanga reynslu og hafa lokið staðfestingu á auðkenni sínu á Airbnb. Margir eru þekktir á sínu sviði, þar á meðal kokkar frá veitingastöðum með Michelin-stjörnur, verðlaunaljósmyndarar og úrvalsþjálfarar.

Þjónusta Airbnb stendur til boða í næstum því öllum verðflokkum og margir þjónustuveitendur hafa grunnverð undir USD 50. Með þjónustu fyrir hvers konar ferðir getur þú fundið allt frá tilbúnum máltíðum á viðráðanlegu verði, til daglegra æfinga með stjörnuþjálfara.

Þjónusta getur farið fram á heimili eða vinnustað þjónustugestgjafans eða á opinberu svæði. Ef þú býður heimili er þjónusta sjálfkrafa leyfð. Þetta er ein leið til að sýna gestum að þér sé annt um að gera dvöl þeirra enn betri.

Þú getur ákveðið að leyfa ekki þjónustu á heimili þínu. Hafðu samband við þjónustuver Airbnb til að tilgreina hvaða þjónustu þú leyfir ekki og húsreglur þínar verða uppfærðar til samræmis við það.

Frá og með deginum í dag getur reynt fagfólk gerst þjónustugestgjafar. Þetta er ný leið til að deila sérþekkingu sinni og auka viðskiptin.

Ein helsta ástæða þess að fólk bókar heimili á Airbnb er að það getur búið eins og heimafólk. Það getur þó reynst erfitt að finna bestu dægrastyttinguna á nýjum stað. Fólk lendir allt og oft í stórum hópi þar sem þarf að eltast við leiðsögumann með gjallarhorn og afþreyingin virðist snúast um að strika út atriði á gátlista. Hvað ef það væri til betri leið til að kynnast borg eins og hún er í raun og veru?

Í dag kynnum við glænýja nálgun á upplifanir Airbnb, leiddar af staðkunnugum íbúum sem þekkja borgina hvað best. Við kynnum upplifanir í borgum um allan heim og bætum við nýjum á hverjum degi. Gestir geta kynnst því besta sem borgin hefur fram að færa í ýmsum upplifunum:

• Kennileiti, söfn og menningarupplifunum — upplifðu hvernig Notre-Dame var endurbyggð frá sjónarhorni arkítekts úr viðgerðarteyminu sjálfu.
• Matarferðir, matreiðslunámskeið og matarupplifanir — lærðu ramen-gerð eftir kúnstarinnar reglum með kokki sem starfar hjá veitingastað sem hefur unnið til Michelin Bib Gourmand-verðlaunanna.
• Útivist, vatnaíþróttir og dýralífsskoðanir — ferðastu í gegnum helga staði Inkanna og upplifðu mikilfenglegt landslag Andesfjallanna á hestbaki með staðkunnugum sérfræðingi í Andes-menningu og mannfræði.
• Ferðir um gallerí, listanámskeið og verslunarferðir — Hristu upp í fataskápnum með tíma hjá persónulegum tískustílista frá Hollywood.
• Æfingar, vellíðan og snyrting — stígðu inn í hringinn og fáðu þjálfun í alvöru lucha libre frá mexíkóskum atvinnuglímukappa.

Upplifanir Airbnb eru gæðavottaðar með áherslu á þekkingu, orðspor og staðarvægi. Við förum reglulega yfir upplifanir til að tryggja að þær standist viðmið okkar.

Nú er hægt að senda inn upplifanir á Airbnb. Sendu inn hugmynd þína að upplifun ef þú hefur yfirgripsmikla kunnáttu á borginni þinni og býður einstaka afþreyingu sem er ófáanleg annars staðar.

Við höfum endurhannað appið fyrir gestgjafa til að hægt sé að nálgast allt sem þarf til að hafa umsjón með heimilinu, þjónustunni eða upplifuninni:

• Startpakki Airbnb — tól sem einfaldar uppsetningu skráningar og innsendingu upplifunar eða þjónustu á Airbnb.
• Dagsflipinn — veittu framúrskarandi gestrisni með glænýjum flipa fyrir umsjón með bókunum, hvort sem þær snúa að heimilum, þjónustu eða upplifunum.
• Dagatalið — endurhannað dagatal fyrir heimili, þjónustu og upplifanir felur í sér nýtt dagsyfirlit þar sem þú getur skoðað klukkustund fyrir klukkustund og samstillt þig við dagatal Google í rauntíma.
• Skráningarflipinn — nýtt umsjónartól fyrir þjónustu- og upplifunarskráningar einfaldar þér allt sem viðkemur skráningunni, frá stillingu staðsetningar til verðsins.

Fáðu forsýn núna ef þú býður heimili og byrjaðu að nota nýju verkfærin okkar fyrir gestgjafa.

Þjónusta er ekki í boði í öllum löndum, þar á meðal er hún ekki í Brasilíu og Púertó Ríkó.

Upplýsingarnar í þessari grein gætu hafa breyst frá birtingu.