Þetta þarftu að vita um að taka á móti fjölskyldum

Undirbúðu eignina þína vandlega og uppfærðu skráninguna til að stækka markhópinn.
Airbnb skrifaði þann 21. júl. 2020
5 mín. lestur
Síðast uppfært 21. júl. 2023

Aðalatriði

  • Með undirbúningi eignar fyrir fjölskyldur er hægt að auka líkur á að fá bókanir

  • Uppfærðu skráningarlýsinguna til að láta vita að eignin sé fjölskylduvæn og láttu ljósmyndir fylgja með

    • Vertu með þægindi eins og færanlegt ungbarnarúm og barnastól

    • Kynntu þér aðstoð sem Airbnb býður ef vandamál kemur upp

    Foreldrar hafa úr fleiri stöðum að velja til að búa á og vinna vegna lokana á mörgum skrifstofum, skólum og dagheimilum. Margir þeirra hafa áhuga á að ferðast meira eða jafnvel flytja fjölskylduna tímabundið um set á staði þar sem er meira pláss og hægt að stunda útivist.

    Þótt sums staðar sé ekki öruggt að taka á móti börnum og gæludýrum þarftu að vita eftirfarandi ef þú getur tekið á móti þeim í eigninni þinni.

    Það borgar sig að skipuleggja sig fyrir fram áður en fjölskyldur koma á staðinn

    Ef þú hefur áhyggjur af gestum með börn eða gæludýr í þinni eign er ýmislegt sem þú getur gert til að létta á þeim.

    Láttu vita fyrir fram af því sem eignin hefur upp á að bjóða, og það sem vantar.

    Hjálpaðu foreldrum með að pakka rétt með því að greina frá öllum þægindum fyrir fjölskylduna sem þú hefur upp á að bjóða. Í ferðahandbókinni má einnig gefa ráðleggingar um hvar hægt sé að kaupa eða verða sér úti um birgðir.

    Svona getur þú búið eignina þína smátt og smátt undir að taka á móti fjölskyldum:

    • Veldu sterkbyggð og örugg húsgögn og forðastu gler eins og hægt er
    • Auðveldaðu þrif með því að hafa sem minnst aukadót og slepptu óþörfum skreytingum
    • Færðu brothætta og oddhvassa hluti þannig að börn nái ekki til þeirra
    • Komdu í veg fyrir brotna diska með því að hafa endurnýtanlega plastbolla og -diska í eldhúsinu
    • Íhugaðu að setja krækjur á skápa og hlífar á rafmagnsinnstungur
    • Veldu endingargóð efni sem auðvelt er að þrífa, eins og efnin sem notuð eru fyrir útikodda
    • Hafðu mottur sem má þvo á harðviðargólfum

    Gríptu til nauðsynlegra öryggisráðstafana til að vernda heimili þitt og gesti.

    • Öllum líður betur þegar reyk- og kolsýringsskynjari og slökkvitæki eru nærri eldavél í eldhúsinu
    • Mundu að haka við þessi þægindi í skráningunni og ekki gleyma að skipta reglulega um rafhlöður
    • Gefðu upp neyðarnúmer á staðnum í húsleiðbeiningunum og á þægilegu spjaldi fyrir gesti

    Íhugaðu að fara fram á ræstingagjald.
    Margir gestgjafar eru með ræstingagjald til að vega á móti kostnaði við hreinsivörur eða ræstingaþjónustu. Hér eru frekari upplýsingar um hvernig ræstingagjald er innheimt, ef þú innheimtir það ekki nú þegar.

      Hafðu á hreinu hvað þarf að gera ef vandamál koma upp.
      Slys geta orðið, sama hversu góður undirbúningurinn er en það er hægt að gera ýmiskonar öryggisráðstafanir þegar tekið er á móti gestum á Airbnb.

      Ef þú vilt vekja áhuga ferðalanga með fjölskyldur geta hugulsamleg viðbótaratriði hjálpað þér að skara fram úr sem rétti gestgjafinn. Búðu þig undir að útvega hluti sem beðið er oft um, eins og fleiri handklæði og lök, svo að dvölin verði líkari því sem fólk á að venjast heima hjá sér. Einnig er gott að hafa nægan salernispappír sem og salt, svartan pipar og aðrar nauðsynjar fyrir matargerð.

      Fáðu fleiri hugmyndir frá gestgjafanum Elsie í Nashville, Tennessee, sem segir frá því hvernig hún gerir sína eign fjölskylduvæna:

      Ábending: Það er auk þess aldrei hægt að hafa of mikið af hreinlætisvörum — sérstaklega eldhúspappír, sótthreinsiþurrkum og blettaeyði — né búa eignina of vel undir lengri dvalir.

      Láttu gesti vita af því sem þú býður upp á

      Þegar þú hefur búið eign þína undir fjölskyldur er komið að því að sýna hvað hún hefur fram að færa með því að uppfæra skráningarlýsinguna og þægindin hjá þér.

      • Uppfærður skráningartitill og -lýsing geta hjálpað þér að vekja áhuga réttu ferðalanganna og gefa skýrar væntingar
      • Gestir sem ferðast með börn geta notað leitarsíur til að sýna færri valkosti svo að þú ættir einnig að muna eftir því að uppfæra þægindin hjá þér. (Ef þú ert með meira en eina skráningu getur þú uppfært þægindin fyrir allar eignirnar á skráningasíðunni.) Barnarúm og barnastóll eru nauðsynleg þægindi fyrir gesti með ungbörn.
      • Nefndu það ef þú býður þægindi eins og loftræstingu, þvottavél, þurrkara og eldhús í eigninni þinni
      • Ef þú ert með þvottavél skaltu nefna hvort þú útvegir þvottaefni og hvort það kosti eitthvað aukalega að nota vélina
      • Það er auðveldara að baða börn í baðkeri. Taktu fram hvort þú sért með baðker og settu inn mynd í myndasafnið
      • Gakktu úr skugga um að myndirnar sýni allt sem þú nefnir í lýsingunni. Skoðaðu ítarlegar leiðbeiningar okkar fyrir myndatöku til að kynna þér hvernig þú getur lagt áherslu á það sem þú gerir til að mæta þörfum ferðalanga.

      Þótt það gæti þurft að leggja smá aukavinnu í að undirbúa eignina fyrir barnafjölskyldur eru þessi hugulsömu þægindi eitt það besta sem hægt er að bjóða upp á til að gleðja alla gesti.

      Eignavernd gestgjafa, sem heyrir undir AirCover fyrir gestgjafa, ábyrgðartrygging gestgjafaog ábyrgðartrygging upplifana, gilda hvorki um gestgjafa sem bjóða gistingu eða upplifanir í Japan, þar sem japanska gestgjafatryggingin og japanska upplifunartryggingin gilda, né gestgjafa sem bjóða gistingu í gegnum Airbnb Travel LLC. Gestgjafaverndin í Kína gildir fyrir gestgjafa sem buðu gistingu eða upplifanir á meginlandi Kína. Hafðu í huga að öll tryggingarmörk eru sýnd í Bandaríkjadölum.

      Ábyrgðartrygging gestgjafa og ábyrgðartrygging upplifana eru vátryggðar af utanaðkomandi tryggingarfélögum. Ef þú býður gistingu í Bretlandi eru ábyrgðartrygging gestgjafa og ábyrgðartrygging upplifana vátryggðar af Zurich Insurance Company Ltd. og gerðar upp án nokkurs viðbótarkostnaðar fyrir gestgjafa í Bretlandi af Airbnb U.K. Services Limited, tilnefndum fulltrúa Aon U.K. Limited, sem er með heimild og undir eftirliti fjármálaeftirlitsins (FCA). Skráningarnúmer Aon hjá FCA er 310451. Þú getur staðfest upplýsingarnar með því að skoða fjármálaþjónustuskrána á vefsíðu FCA eða með því að hafa samband við FCA í síma 0800 111 6768. Reglur hvað varðar ábyrgðartryggingu gestgjafa og ábyrgðartryggingu upplifana samkvæmt AirCover fyrir gestgjafa sæta eftirliti breska fjármálaeftirlitsins (FCA). Aðrar vörur og þjónusta eru ekki eftirlitsskyldar vörur í umsjá Airbnb UK Services Limited. FPAFF610LC 

      Eignavernd gestgjafa er ekki vátrygging og tengist ekki ábyrgðartryggingu gestgjafa. Samkvæmt eignavernd gestgjafa færðu endurgreiðslu vegna tiltekins tjóns sem gestir valda á heimili þínu og eigum ef gesturinn greiðir ekki fyrir tjónið. Samningsbundnar skyldur Airbnb samkvæmt eignavernd gestgjafa falla undir vátryggingu sem Airbnb kaupir fyrir skráningar á eignum í Washington-fylki. Þessir skilmálar eignaverndar gestgjafa gilda fyrir gestgjafa með skráða búsetu eða starfsstöð utan Ástralíu. Ef gestgjafar hafa skráða búsetu eða starfa innan Ástralíu er eignavernd gestgjafa háð skilmálum eignaverndar gestgjafa fyrir ástralska notendur.

      Upplýsingarnar í þessari grein gætu hafa breyst frá birtingu.

      Aðalatriði

      • Með undirbúningi eignar fyrir fjölskyldur er hægt að auka líkur á að fá bókanir

      • Uppfærðu skráningarlýsinguna til að láta vita að eignin sé fjölskylduvæn og láttu ljósmyndir fylgja með

        • Vertu með þægindi eins og færanlegt ungbarnarúm og barnastól

        • Kynntu þér aðstoð sem Airbnb býður ef vandamál kemur upp

        Airbnb
        21. júl. 2020
        Kom þetta að gagni?