Einfaldaðu inn- og útritun

Inn- og útritun eru mikilvægar stundir sem geta skipt sköpum hvort gisting verði fimm stjörnu eður ei. Gestir gera ráð fyrir að komast auðveldlega inn í eignina, þeir séu boðnir velkomnir og að útritun þeirra gangi snurðulaust fyrir sig.

Gestir vilja vita hvernig þeir finna eignina þína og opna útidyrnar þegar þeir koma á staðinn. Leitaðu leiða til að einfalda innritunina:

• Notaðu komuleiðbeiningarnar með mikilvægum upplýsingum. Í umsjónartóli skráningar getur þú þú tilgreint eða breytt innritunarmáta og -tíma, leiðarlýsingu, húsleiðbeiningum, lykilorði fyrir þráðlaust net ásamt fleiru, allt frá einum og sama staðnum. Gestir fá þessar upplýsingar eftir að þeir hafa bókað.

• Sýndu skrefin til að komast inn. Settu inn myndir eða jafnvel myndband til að hjálpa gestum að innrita sig. Þú gætir til dæmis bætt við ljósmynd af því hvar lásinn er á hliðinu eða hvernig lyklaboxið er opnað. 

• Forskoðaðu leiðbeiningarnar þínar. Pikkaðu á hnappinn skoða til að sjá nákvæmlega hvernig komuupplýsingarnar þínar líta út fyrir gestum. Fáðu vin til að prófa leiðbeiningarnar þínar og gera þær breytingar sem þarf fyrir einfalda innritun.

• Uppfærðu eignina þína. Prófaðu að bæta við lýsingu, setja upp skilti eða setja upp annars konar lás eins og snjalllás eða talnaborð til að auðvelda þér og gestum þínum að innrita sig.

Gestir gætu sent þér skilaboð með spurningum varðandi innritun. Svaraðu eins fljótt og auðið er, einkum á sólarhringnum fram að komu gesta.

Hvernig þú tekur á móti gestum og sérð fyrir þarfir þeirra er einkennandi fyrir framúrskarandi gestrisni. Það getur skipt sköpum fyrir gesti ef þú gefur smáatriðunum gaum.

• Tímasettu kynningarskilaboð. Láttu gestina vita að þú sért til taks á innritunardegi ef þá vantar eitthvað.

• Sýndu gestrisni án aðgreiningar. Mundu að mögulegt er að gestir deili ekki trúarskoðunum þínum eða venjum.

• Sýndu liðlegheit. Sýndu áhuga á gestum þínum og forgangsraðaðu þörfum þeirra og virtu einnig friðhelgi þeirra.

Rie, meðlimur í ráðgjafaráði gestgjafa og ofurgestgjafi í Yomitan í Japan, vill skilja eftir kynningarskilaboð með gagnlegum upplýsingum um staðinn. „Ef um er að ræða foreldri sem hefur sagt mér að ung fjölskylda muni koma þá mæli ég með góðri verslun til að kaupa bleyjur,“ segir hún. „Ef viðkomandi á hund sting ég upp á stað þar hægt er að kaupa hágæða gæludýrafóður.“

Líttu á útritun sem lokaupplifun gesta á eigninni þinni. Þú vilt að fólk muni eftir sinni frábæru dvöl.

Notaðu komuleiðbeiningarnar til að veitar skýrar og einfaldar útritunarleiðbeiningar. Íhugaðu hvort verk til að sinna fyrir útritun eins og að fara út með ruslið eða safna saman notuðum handklæðum sé fimm stjörnu upplifun fyrir gesti. Þú gætir fengið betri umsagnir með því að hafa þessi verk sem hluta af ræstingarferlinu þínu.

Sendu gestum þakkarskilaboð eftir hverja dvöl. Bjóddu þeim að koma aftur og láttu þá vita að þú kunnir að meta athugasemdir þeirra. Spurðu hvað viðkomandi myndi kunna að meta næst þegar hann kemur í heimsókn.

Upplýsingarnar í þessari grein gætu hafa breyst frá birtingu.