Val á afbókunarreglum

Ferðalangar vilja sveigjanleika. Í raun segja 44% gesta á Airbnb að afbókun án endurgjalds sé meðal þess sem þeir leitast helst eftir við val á gistingu.* Það er ástæða þess að lögð er sérstök áhersla á skráningar í leitarniðurstöðum þar sem boðið er upp á afbókun án endurgjalds í lengri tíma en tvo sólarhringa frá bókun. 

Rétta afbókunarreglan getur hjálpað þér að ná markmiðum þínum og stuðlað að bókunum á sama tíma. Veldu réttu almennu og langtímaafbókunarreglunar fyrir þig. Þú getur breytt um reglu hvenær sem er.**

Almenna afbókunarreglan þín gildir um bókanir sem vara í 27 eða færri nætur samfleytt.

• Sveigjanleg: Gestir geta afbókað fram að einum sólarhring fyrir innritun gegn fullri endurgreiðslu og þú færð ekki útborgað. Þú færð fyrstu nóttina greidda ef gestur afbókar með minna en sólarhrings fyrirvara og innritar sig ekki. Ef gestur afbókar eftir innritun færðu greitt fyrir hverja gistinótt auk einnar nætur til viðbótar.
• Hófleg: Gestir geta afbókað fram að fimm dögum fyrir innritun gegn fullri endurgreiðslu og þú færð ekki útborgað. Ef gestur afbókar með styttri fyrirvara færðu greitt fyrir hverja gistinótt auk einnar nætur til viðbótar ásamt 50% allra ónýttra nátta.
• Takmörkuð: Gestir geta afbókað fram að 14 dögum fyrir innritun gegn fullri endurgreiðslu og þú færð ekki útborgað. Þú færð útborgað 50% af öllum nóttum ef gestir afbóka með 7 til 14 daga fyrirvara fyrir innritun. Ef gestir afbóka minna en 7 dögum fyrir innritun færðu útborgað 100% af öllum nóttum.
• Stíf: Gestir geta afbókað fram að 30 dögum fyrir innritun og þú færð ekki útborgað. Þú færð útborgað 50% af öllum nóttum ef gestir afbóka með 7 til 30 daga fyrirvara fyrir innritun. Ef gestir afbóka minna en 7 dögum fyrir innritun færðu útborgað 100% af öllum nóttum.

Gestir fá endurgreitt að fullu innan sólarhrings frá bókun að því tilskildu að afbókað sé minnst sjö dögum fyrir innritun.

Sumir gestgjafar þéna meira með því að bæta valkosti sem fæst ekki endurgreiddur við almennu afbókunarregluna. Það gerir gestum kleift að velja strangari afbókunarreglu með afslætti, yfirleitt 10% afslætti af grunnverðinu. Þú heldur eftir útborgun fyrir allar bókaðar gistinætur ef viðkomandi afbókar.

Langtímaafbókunarreglan gildir um langdvalir, en það eru bókanir sem vara samfleytt í 28 nætur eða lengur.

• Stíf: Gestir geta afbókað fram að 30 dögum fyrir innritun gegn fullri endurgreiðslu. Ef gestur afbókar eftir það færðu greitt fullt verð fyrir allar gistinæturnar auk 30 viðbótarnátta. Ef minna en 30 gistinætur eru eftir af bókun þegar gestur afbókar færð þú greitt að fullu fyrir allar eftirstandandi nætur.
• Ströng: Gestir geta afbókað innan tveggja sólarhringa frá bókun og að minnsta kosti 28 dögum fyrir innritun gegn fullri endurgreiðslu. Ef gestur afbókar eftir það færðu greitt að fullu fyrir allar gistinæturnar auk 30 viðbótarnátta frá upphafsdegi bókunar. Ef minna en 30 gistinætur eru eftir af bókun þegar gestur afbókar færð þú greitt að fullu fyrir allar eftirstandandi nætur.

Ræstingagjöld eru endurgreidd að fullu ef gestur afbókar innan kostnaðarlausa afbókunartímabilsins. Ef gestur afbókar með styttri fyrirvara telst ræstingagjaldið vera hluti af gistináttaverðinu og endurgreiðsla miðast við afbókunarreglu þína.***

Taktu mið af þörfum þínum, markmiðum og hvaða tegund gesta þú leitast eftir við val á bestu afbókunarreglunni fyrir þig. Það gæti komið sér vel fyrir gistirekstur þinn að byrja með sveigjanlegustu afbókunarregluna til að ná frekar til gesta.

Sveigjanleg regla gæti verið rétti valkosturinn ef:

• Það er lágannatími og þú vilt ná til gesta með sveigjanleg ferðaplön.
• Það er háannatími og líklegt er að eignin verði endurbókuð ef gestur skyldi hætta við bókun.
• Eignin er staðsett á svæði þar sem samkeppnin er mikil og þú hefur engar áhyggjur af síðbúnum afbókunum.

Hófleg afbókunarregla gæti verið rétti valkosturinn ef:

• Þú vilt draga úr afbókunum á síðustu stundu.
• Þú vilt hafa svigrúm til að ná inn annarri bókun ef gestur hættir við.
• Þú vilt höfða til fólks í vinnuferðum eða annarra gesta sem verða að gera bókanir með möguleika á endurgreiðslu.

Takmörkuð afbókunarregla gæti verið rétti valkosturinn ef:

• Þú vilt forðast afbókanir en ræður við þær með að minnsta kosti tveggja vikna fyrirvara. 
• Þú vilt hafa svigrúm til að ná inn annarri bókun ef gestur hættir við.
• Eignin þín er eftirsótt en þú vilt ná til gesta sem vilja hafa einhvern sveigjanleika.

Stíf afbókunarregla gæti verið rétti valkosturinn ef:

• Þú vilt forðast afbókanir en ræður við þær með að minnsta kosti 30 daga fyrirvara. 
• Þú þarft lengri tíma til að ná inn annarri bókun ef gestur hættir við.
• Eignin þín er eftirsótt allt árið um kring.

*Miðað við könnun Airbnb á ferðalöngum frá 11 alþjóðlegum markaðssvæðum á árinu 2024.

**Upp gætu komið sérstakar aðstæður þar sem aðrar afbókunarreglur gilda um skráningu þína. Frekari upplýsingar

***Ræstingagjöld bókana sem gerðar voru fyrir 21. apríl 2025 verða endurgreidd að fullu ef gestur hættir við bókun fyrir innritun, óháð afbókunarreglu.

Upplýsingarnar í þessari grein gætu hafa breyst frá birtingu.