Hvernig þú setur upp verð

Airbnb veitir þér aðgang að verkfærum gestgjafa og milljónum gesta til að hjálpa þér að ná tekjumarkmiðum þínum. Með samkeppnishæfu verði er upplifunin þín líklegri til að skara fram úr og fá bókanir.

Verðið er ávallt undir þér komið og þú getur breytt því hvenær sem er.

Þú getur síðan breytt verðinu með tímanum í samræmi við tekjumarkmið þín. Hér eru nokkrir þættir sem gott er að hafa í huga við verðlagningu á Airbnb.

• Útgjöld: Reiknaðu útgjaldakostnað eins og tíma þinn, birgðir og kostnað við leyfi og réttindi.
• Sambærilegar upplifanir: Leitaðu að upplifunum sem svipa til þinnar á Airbnb og öðrum verkvöngum til að bera saman verð á svæðinu og átta þig á því hvað samkeppnishæft verð gæti verið.
• Þjónustugjald: Taktu tillit til þjónustugjaldsins sem Airbnb innheimtir af gestgjöfum fyrir hverja bókun. Það kemur fram þegar þú stillir verðið hjá þér. Gjaldið gerir okkur kleift að halda úti verkfærum gestgjafa, veita aðstoð allan sólarhringinn í gegnum þjónustuverið og veita þér sýnileika hjá milljónum gesta með upplifunum Airbnb.

Tilgreindu hámarksfjölda gesta miðað við afþreyingu, staðsetningu og kjörskilyrði fyrir hóptengsl. Hámarksfjöldinn gildir fyrir hvert skipti sem þú býður upplifunina.

Svona tilgreinir þú lágmarksverð fyrir hvern gest og einkahóp.

• Verð fyrir hvern gest: Þetta er upphæðin sem þú innheimtir af hverjum gesti sem tekur þátt í upplifuninni. Verðið þarf að fela í sér öll gjöld og þjórfé. Lægra verð gæti hjálpað þér að ná til fleiri gesta og auka þannig tekjurnar. Sem dæmi: Fjórir gestir í Bandaríkjunum bókuðu fyrir USD 60 á mann og heildarverðið var því USD 240 en átta gestir bókuðu fyrir USD 45 á mann og heildarverðið var USD 360.
• Lágmarksverð fyrir einkahópa: Þetta er lágmarks heildarupphæð bókunar einkahóps. Enginn annar getur bókað þann dag og tíma.

Þú sérð hve mikið þú kemur til með að vinna þér inn þegar þú slærð inn verðið í startpakkanum.

Með afslætti getur þú boðið lægra verð við tilteknar aðstæður án þess að breyta grunnverðinu. Þeir gilda í öllum tilvikum þar til þú breytir þeim eða fjarlægir þá.

Þessir afslættir standa upplifunargestgjöfum til boða.

• Tímabundinn afsláttur: Bjóddu 5% til 50% afslátt af verðinu í 90 daga til að hvetja til fyrstu bókananna.
• Forkaupsafsláttur: Bjóddu gestum sem bóka með meira en tveggja vikna fyrirvara 20% afslátt til að höfða til þeirra sem skipuleggja sig fram í tímann.
• Afsláttur fyrir stóra hópa: Bættu við hópafslætti til að fullnýta öll laus pláss sem fyrst.

Þegar þú bætir við afslætti birtist hann gestum sérstaklega í leitarniðurstöðum og á skráningarsíðunni þinni.* 

Ef þú býður fleiri en eina tegund afsláttar sem allar eiga við mun gesturinn fá þann sem veitir mesta afsláttinn.

*Verður að vera afsláttur upp á minnst USD 3, eða samsvarandi upphæð í öðrum gjaldmiðli, af heildarverðinu.

Allir gestgjafar, myndir og skráningarupplýsingar verða að standast viðmið og kröfur fyrir upplifanir Airbnb.

Upplýsingarnar í þessari grein gætu hafa breyst frá birtingu.