Skilgreining á tegund gistiaðstöðu

Frábær gestrisni byrjar á því að veita skýrar væntingar um eignina. Þú getur hjálpað gestum að finna skráninguna þína með því að tilgreina hvaða tegund eignar þú býður upp á.

Í þessu skrefi getur þú valið þá tegund eignar sem á best við um eign þína, svo sem hús eða íbúð. Við biðjum þig um nánari upplýsingar í næsta skrefi.

Svona skilgreinir Airbnb almenna tegund hverrar eignar:

• Íbúð: Vanalega staðsett í fjölbýlishúsi þar sem annað fólk býr, að meðtöldum blokkaríbúðum og loftíbúðum
• Hús: Frístandandi bygging sem er mögulega með sameiginleg útisvæði eða veggi, svo sem raðhús eða tvíbýli
• Aukaeign: Vanalega á sameiginlegri lóð með sérinngangi, að meðtöldum gestahúsum og gestaíbúðum
• Fágæt eign: Áhugaverð eða óhefðbundin bygging eins og trjáhús, júrt-tjald eða bændagisting
• Gistiheimili: Gistirekstur þar sem gestgjafinn er á staðnum og morgunverður stendum gestum til boða
• Hönnunarhótel: Gistirekstur sem einkennist af sérstökum stíl eða þema

Veldu þá tegund sem þú telur að eigi best við ef eign þín passar við fleiri en eina.

Gefum okkur að þú sért að skrá litla notalega stúdíóíbúð í bakgarðinum hjá þér. Þú gætir annað hvort valið aukaeign (gestahús) eða fágæta eign (smáhýsi) eftir því hvaða tegund þú telur að eigi betur við.

Allt getur gengið upp svo lengi sem þú gefur gestum rétta mynd af því sem við má búast ef þeir bóka eignina. Við biðjum þig um að bæta við frekari upplýsingum í næsta skrefi og þú getur gert breytingar á valkostum eftir að þú birtir skráningu eignarinnar.