Auðveldar leiðir til að gera heimilið sjálfbærara

Þegar heimili þitt og gestaumsjón verða sjálfbærari getur þú dregið úr kostnaði, vakið athygli á skráningunni þinni og hvatt gesti til að fylgja þínu fordæmi.

Tæplega 80% gestgjafa á Airbnb segjast þegar hafa gert að minnsta kosti eina breytingu í átt að aukinni sjálfbærni.* Það er auðvelt að gera enn betur. Hér eru ábendingar frá gestgjöfum og samstarfsaðilum okkar hjá Leave No Trace og World Wildlife Fund.

Lítil skref í átt að orkusparnaði.

• Notaðu fjöltengi. Sjónvörp, DVD-spilarar og hljóðkerfi nota enn rafmagn í biðstillingu. Tengdu þessi tæki við fjöltengi svo að auðveldara sé að slökkva alveg á þeim án þess að taka þau beint úr sambandi.**
• Skiptu um ljósaperur. Orkusparandi ljósaperur hita minna frá sér og draga úr orkunotkun. LED-ljós nota allt að 90% minni orku og endast 25 sinnum lengur en hefðbundnar glóperur.**
• Verðu eignina fyrir veðurbreytingum. Einangraðu útidyr og glugga til lækka hita- og kælikostnað.
• Vertu með snjallhitastilli. Með nettengdum hitastilli getur þú fjarstýrt hita eftir því hvenær gestir koma og fara.
• Leggðu mat á tæki. Þegar kemur að því að skipta út tækjum skaltu velja tæki sem fá góða einkunn fyrir orkunýtingu. Eldri þvottavélar nota að meðaltali um 117 lítra af vatni fyrir hvern þvott en nýrri og skilvirkari tegundir nota aðeins 49 lítra í hvert sinn.**

Ferskt, hreint vatn er takmörkuð auðlind. Það getur verið einfalt að spara það.

• Finndu leka. Lekandi krani getur sóað meira en 11.356 lítrum af vatni á ári.** Skoðaðu klósett, krana og tæki reglulega. Snjallvatnsmælar geta fylgst með vatnsnotkun og látið þig vita af mögulegum leka.
• Notaðu vatnssparandi búnað. Þetta gæti til dæmis verið krani með minni straum eða klósett með tvískiptri sturtun. Klósett frá 1992 eða eldri sturta niður 13 til 26 lítrum af vatni í hvert sinn en nýrri og skilvirkari tegundir nota minna en 5 lítra.**
• Veldu sparnaðarstillingar. Hvettu gesti til að nota stillingarnar fyrir hrað- eða vistþvott á þvottavélum og uppþvottavélum ef tækin hafa slíkar stillingar.
• Skildu eftir áminningar fyrir gesti. Patricia, ofurgestgjafi í Maníla, Filippseyjum, skrifar miða á baðherbergið þar sem hún biður gesti um að huga að vatnsnotkun og íhuga að endurnota handklæði.

Daglegar venjur geta haft mikil áhrif.

• Sinntu endurvinnslu. Endurvinnsla á einu tonni af pappír sparar 26.500 lítra af vatni.**
• Hvettu gesti til að taka með sér matarleifar. Greystone, ofurgestgjafi í Lake Placid, New York, gefur ráð um matarsóun í ferðahandbókinni sinni og nefnir sem dæmi að hafa kælibox og ílát til að taka matarleifar með sér heim.
• Gefðu út rafræna reikninga. Það er einfalt að að borga reglulega reikninga fyrir veitur á netinu. Í Bandaríkjunum er útblástur vegna pappírsreikninga einna og sér til dæmis tæplega 2 milljónir tonna af koltvísýringi.**  
• Þvoðu þvott af skynsemi. Hengdu þvott til þerris þegar þú getur eða stilltu þvottavélina á hraðari vindu til að stytta tímann í þurrkaranum.

*Miðað við könnun Airbnb sem náði til meira en 77.000 gestgjafa um allan heim frá september 2024 til maí 2025.

**Samkvæmt grænum ábendingum frá World Wildlife Fund. 

Upplýsingarnar í þessari grein gætu hafa breyst frá birtingu.