Auðveldar leiðir til að gera heimilið sjálfbærara

Tæplega 80% gestgjafa á Airbnb segjast hafa tekið upp að minnsta kosti eina sjálfbæra venju.*

Með því að gera heimili og gestaumsjón sjálfbærari getur þú dregið úr kostnaði, vakið athygli á skráningunni þinni og hvatt gesti til að fylgja þínu fordæmi.

Nýttu þér þessar ábendingar frá gestgjöfum og samstarfsaðilum okkar hjá Leave No Trace og World Wildlife Fund.

Lítil skref í átt að orkusparnaði.

• Notaðu fjöltengi. Sjónvörp, DVD-spilarar og hljóðkerfi nota enn rafmagn í biðstillingu. Tengdu þessi tæki við fjöltengi svo að auðveldara sé að slökkva alveg á þeim án þess að taka þau beint úr sambandi.**
• Skiptu um ljósaperur. Orkusparandi ljósaperur hita minna frá sér og draga úr orkunotkun. LED-ljós nota allt að 90% minni orku og endast 25 sinnum lengur en hefðbundnar glóperur.**
• Verðu eignina fyrir veðurbreytingum. Einangraðu útidyr og glugga til lækka hita- og kælikostnað.
• Vertu með snjallhitastilli. Með nettengdum hitastilli getur þú fjarstýrt hita eftir því hvenær gestir koma og fara.
• Leggðu mat á tæki. Þegar kemur að því að skipta út tækjum skaltu velja tæki sem fá góða einkunn fyrir orkunýtingu. Eldri þvottavélar nota að meðaltali um 117 lítra af vatni fyrir hvern þvott en nýrri og skilvirkari tegundir nota aðeins 49 lítra í hvert sinn.**

Reyndu að finna gömlum hlutum nýtt hlutverk áður en þú ferð og kaupir eitthvað nýtt.  

• Innréttaðu með uppgerðum og notuðum húsgögnum. Leitaðu að vönduðum, uppgerðum eða notuðum húsgögnum og munum á búslóðasölum, í nytjaverslunum og á flóamörkuðum.
• Gerðu við í stað þess að henda. Endurbólstraður stóll eða uppgerð kommóða getur enst lengur en eitthvað nýtt og gefið heimilinu persónulegri blæ en fjöldaframleidd húsgögn.
• Gefðu það sem þú notar ekki lengur. Ef þú ert að fríska upp á rými hjá þér getur þú farið með húsgögn, textílvörur eða raftæki í góðu standi á nytjamarkað.

Ferskt, hreint vatn er takmörkuð auðlind. Það getur verið einfalt að spara það.

• Athugaðu hvort leki sé til staðar. Lekandi krani getur sóað meira en 11.356 lítrum af vatni á ári.** Skoðaðu salerni, krana og tæki reglulega. Snjallvatnsmælar geta fylgst með vatnsnotkun og látið þig vita af mögulegum leka.
• Notaðu vatnssparandi búnað. Þetta gæti til dæmis verið krani með minni straum eða klósett með tvískiptri sturtun. Klósett frá 1992 eða eldri sturta niður 13 til 26 lítrum af vatni í hvert sinn en nýrri og skilvirkari tegundir nota minna en 5 lítra.**
• Veldu sparnaðarstillingar. Hvettu gesti til að nota stillingarnar fyrir hrað- eða vistþvott á þvottavélum og uppþvottavélum ef tækin hafa slíkar stillingar.
• Skildu eftir áminningar fyrir gesti. Patricia, ofurgestgjafi í Manila á Filippseyjum, skilur eftir miða á baðherberginu þar sem hún biður gesti um að fara sparlega með vatn og nota handklæðin oftar en einu sinni.

*Miðað við könnun Airbnb sem náði til meira en 77.000 gestgjafa um allan heim frá september 2024 til maí 2025.

**Samkvæmt grænum ábendingum frá World Wildlife Fund. 

Upplýsingarnar í þessari grein gætu hafa breyst frá birtingu.