Ábendingar til að gera dvöl gesta sjálfbæra

Með því að bjóða upp á vistvæn þægindi og vörur getur þú dregið úr kolefnisspori þínu og aukið sýnileika skráningar þinnar. „Litlu atriðin eins og að nota fjölnota umbúðir, endurvinna eða spara orku skipta sköpum,“ segir Patricia, ofurgestgjafi í Maníla, Filippseyjum.

Með því að hugsa og bera þig að með sjálfbærni að leiðarljósi getur þú verið gestum góð fyrirmynd og hvatt þá til að gera hið sama.

Gestir sía oft leitarniðurstöður á Airbnb til að finna eignir með tiltekna eiginleika og þægindi. Hleðslustöðvar fyrir rafbíla eru til dæmis meðal 25 vinsælustu þægindanna á Airbnb.* 

Jafnvel þótt þú getir ekki sett upp hleðslustöð fyrir rafbíla er ýmislegt annað sem þú getur gert til að sýna fram á að þú takir á móti gestum með sjálfbærni að leiðarljósi. Nú eru nokkur ný þægindi í boði í skráningarflipanum, svo sem endurvinnsla, moltutunna, sólarsellur, varmadæla, hleðslustöð fyrir rafhjól og engar einnota plastvörur. Mundu að taka fram öll þægindi sem þú býður upp á í eigninni.

Einfaldar breytingar eins og að lágmarka einnota plast geta dregið úr sóun og umhverfisáhrifum.

• Notaðu áfyllanleg ílát. Skiptu út einnota ílátum fyrir sjampó, hárnæringu, líkamssápu og handsápu fyrir áfyllanleg ílát til að draga úr plastnotkun. 
• Notaðu vistvænar pappírsvörur. Veldu 100% endurunnar eða ræktaðar vörur fyrir handklæði, þurrkur og slíkt. Christina, ofurgestgjafi í Naperville, Illinois, býður upp á salernispappír úr bambus.
• Dragðu úr notkun sterkra hreinsiefna. Kauptu uppþvottalög, þvottaefni og hreinsiefni án eiturefna sem eru niðurbrjótanleg og náttúruleg.

Gerðu heimilið umhverfisvænna með vörum sem gestir geta nýtt sér og uppfærðu skráningarlýsinguna og myndatexta til að vekja athygli á sjálfbærum valkostum. 

• Auðveldaðu gestum að flokka úrgang. Komdu fyrir ílátum fyrir flöskur, dósir, pappír og annan endurvinnanlegan úrgang sem tekið er við á þínu svæði.
• Hvettu gesti til að taka með sér matarleifar. Greystone, ofurgestgjafi í Lake Placid, New York, gefur ráð um matarsóun í ferðahandbókinni sinni og nefnir sem dæmi að hafa kælibox og ílát til að taka matarleifar með sér heim.
• Lánaðu reiðhjól. Hvettu gesti til að aka minna með því að lána reiðhjól og hjálma eða bentu á hjólaleigu í nágrenninu.
• Bjóddu upp á margnota vatnsflöskur. Þannig getur þú hjálpað gestum að draga úr notkun einnota plasts og úrganginum sem því fylgir. 

Ekki eru allir gestir með hugann við sjálfbærni en nokkrar einfaldar ábendingar geta skipt sköpum fyrir umhverfið. Stutt skilaboð þar sem sjálfbærum ákvörðunum gesta er hrósað, eins og að nota handklæði oftar en einu sinni eða taka matarafganga með sér í stað þess að henda þeim, geta hvatt til áframhaldandi góðra venja og stuðlað að jákvæðri upplifun af dvölinni. 

*Samkvæmt innanhússgögnum Airbnb um þau þægindi sem gestir leituðu oftast að um allan heim frá 1. janúar til 31. desember 2025.

Upplýsingarnar í þessari grein gætu hafa breyst frá birtingu.