Vektu áhuga gesta með hröðu og áreiðanlegu þráðlausu neti
Margir gestir reiða sig á að netið sé hratt á ferðalögum — sérstaklega ef þeir horfa á myndir í streymi eða sinna fjarvinnu. Það eru næstum engin önnur þægindi sem gestir leita oftar að en þráðlaust net á Airbnb.*
Skráningar með hröðu þráðlausu neti koma betur fram í leitarniðurstöðum. Þú getur staðfest nethraðann með því að nota hraðapróf fyrir þráðlaust net.
Hraðaprófun á þráðlausu neti
Þú þarft að vera í eigninni til að prófa þráðlausa nethraðann. Staðfestu að þráðlausa netið sé tengt og að þú hafir skráð þig inn í Airbnb appið fyrir iOS eða Android tæki.
Opnaðu skráningarflipann og veldu viðeigandi skráningu. Pikkaðu á þægindi og fylgdu eftirfarandi leiðbeiningum:
- Pikkaðu á plús (+) til að bæta þráðlausu neti við sem þægindum eða pikkaðu á breyta ef þú hefur þegar bætt því við.
- Pikkaðu á hefja prófun (þú gætir þurft að gefa aðgang að netinu hjá þér).
- Pikkaðu á bæta við skráningu þegar niðurstöðurnar liggja fyrir til að birta upplýsingar um þráðlausa netið við skráninguna.
Gestum er sýnt að eignin hefur þráðlaust net þegar þú hefur sett hraðann á því inn. Ef það mælist sem 50 Mb/s eða hraðar kemur einnig fram efst í skráningunni að þar sé „hratt þráðlaust net“.
Að skilja hraðann á þráðlausa netinu
Hraðaprófið fyrir þráðlausa netið mælir tengihraða í megabitum á sekúndu. Hér eru mismunandi mælingar sem þú gætir fengið.
- 50+ Mb/s: Hratt þráðlaust net. Gestir geta streymt myndum í 4K-upplausn og hringt myndsímtöl úr mörgum tækjum á sama tíma.
- 25-49 Mb/s: Fínt þráðlaust net. Gestir geta streymt myndum í hágæða 4K-upplausn og hringt myndsímtöl.
- 7-24 Mb/s: Traust þráðlaust net. Gestir geta streymt myndum í háskerpu.
- 1-6 Mb/s: Þráðlaust net. Gestir geta skoðað skilaboð og vafrað á vefnum.
- Engin mæling: Þráðlausa netið vantar annaðhvort eða það er ekki hægt að tengjast því. Prófaðu að endurræsa þráðlausa beininn eða færa þig til innanhúss.
Nánari upplýsingar um staðfestingu á nethraða
*Samkvæmt innanhússgögnum Airbnb um þau þægindi sem gestir leituðu oftast að um allan heim frá 1. janúar til 31. desember 2024.
Upplýsingarnar í þessari grein gætu hafa breyst frá birtingu.