Náðu til gesta með nýja hraðaprófinu fyrir þráðlaust net

Margir gestir reiða sig á hratt net til að ferðin verði frábær og það er nauðsynlegt fyrir gesti sem sinna fjarvinnu. Rannsóknir Airbnb sýna að þráðlaust net er eitt af þægindunum sem gestir leita oftast að og með því að bæta hentugri vinnuaðstöðu fyrir fartölvu við þægindi skráningar eru sumir gestgjafar líklegri til að auka tekjur sínar.*

Hraði skiptir máli þegar kemur að þráðlausu neti en hann hefur áhrif á allt frá því að horfa á kvikmyndir til þess að mæta á fjarfundi án vandkvæða. Nú geta gestgjafar staðfest hraða á þráðlausu neti fyrir skráninguna sína án þess að fara úr Airbnb appinu með því að nota nýja hraðaprófið fyrir þráðlaust net. Með þessu tóli getur þú á auðveldan hátt prófað hraðann á þráðlausa netinu á staðnum og sýnt hann svo beint á skráningarsíðunni. Þetta hjálpar þér að ná til fleiri gesta sem leita að gistingu.

Hraðaprófið fyrir þráðlaust net er í boði í Airbnb appinu fyrir iOS og Android eins og er. Þú þarft að vera í eigninni þinni og tengjast þráðlausa netinu á staðnum til að byrja.

Fylgdu svo þessum leiðbeiningum:

1. Pikkaðu á notanda og svo á umsjón með gestum
2. Pikkaðu á skráningar og svo á skráninguna sem þú vilt
3. Opnaðu þægindi fyrir neðan upplýsingar um skráningu
4. Flettu að þráðlaust net og pikkaðu á bæta við upplýsingum
5. Pikkaðu á prófa hraða á þráðlausu neti (þú þarft að veita staðsetningarupplýsingar hafi það ekki verið gert)
6. Pikkaðu á hefja prófun
7. Pikkaðu á vista þegar niðurstöðurnar hafa verið birtar svo að hraði þráðlausa netsins birtist á skráningarsíðunni
8. Ef hraðinn á þráðlausa netinu hjá þér er 50 Mb/s eða hærri verður skráningin þín merkt með hratt þráðlaust net

Frekari upplýsingar um að bjóða gestum þráðlaust net

Nethraði er mældur í megabitum á sekúndu og þessi tala getur sýnt hve hröð nettengingin er. Hér eru mismunandi mælingar sem þú getur fengið úr hraðaprófinu fyrir þráðlaust net og hvað þær þýða:

• Engin mæling: Ekkert þráðlaust net er í boði. Þráðlausa netið vantar annaðhvort eða það er ekki hægt að tengjast því. Prófaðu að endurræsa þráðlausa beininn eða færa þig til innanhúss.
  
• 1-6 Mb/s: Grunnhraði fyrir þráðlaust net. Gestir geta skoðað skilaboð og vafrað á vefnum.
  
• 7-24 Mb/s: Traustur hraði á þráðlausu neti. Gestir geta streymt háskerpumyndböndum.
  
• 25-49 Mb/s: Fínn hraði á þráðlausu neti. Gestir geta streymt myndum í hágæða 4K-upplausn og hringt myndsímtöl.
  
• 50+ Mb/s: Vá! Hratt þráðlaust net. Gestir geta streymt myndböndum í 4K-upplausn og hringt myndsímtöl úr mörgum tækjum. Við munum merkja þráðlausa netið sérstaklega við skráninguna á eigninni.

Frekari upplýsingar um staðfestingu á nethraða