Ábendingar fyrir milljónir notenda Airbnb
Öryggisgátlisti gesta
Forsendur öryggis á ferðalagi eru aukin öryggisvitund og að sneitt sé hjá hættum. Á þessum gátlista eru öryggisábendingar vegna innritunar á Airbnb og alla dvölina, á borð við lyklaskipti, hvernig eigi að tryggja örugga dvöl, hvað þarf að hafa í huga þegar börn eru með og svo framvegis.
Öryggisgátlisti fyrir innritun
Staðfestu upplýsingar um skráninguna fyrir fram
  • Staðfestu innritunartíma og hvernig þið skiptist á lyklum hjá gestgjafanum áður en þú innritar þig, þar á meðal hvernig þú hefur samband við gestgjafann ef þú kemur seint.
  • Passaðu upp á heimilisfang eignarinnar og símanúmer gestgjafans ef Airbnb appið virkar ekki eða ef þú kemst ekki á Netið.
  • Kynntu þér hverfið fyrir fram, sérstaklega aðalvegi og umferðarskilti, og vertu viss um að þekkja leiðina á staðinn.
  • Við mælum með því að staðfestir aftur hjá gestgjafanum hvaða húsreglur eiga við um börn, ef þau eru með í ferðinni, eins og til dæmis hvað varðar öryggi glugga og stiga.
  • Mundu að láta fjölskylduna þína fá skráningarupplýsingarnar fyrir fram og hvenær þú innritar þig.
  • Skráðu þig inn á vefsetur Airbnb, smelltu á notandamyndina af þér efst í hægra horninu og bættu við einum eða fleiri neyðartengiliðum undir „breyting á notandalýsingu“.
  • Skoðaðu húsreglurnar undir „ég“ - „ferðir“ í Airbnb appinu og hafðu samband við gestgjafann til að staðfesta upplýsingar svo sem inn- og útritunartíma, hvort gæludýr er leyfð o.s.frv.
Ábendingar fyrir örugga dvöl
  • Staðfestu hjá gestgjafanum númer hjá tengiliðum og neyðarþjónustu þegar þú hefur innritað þig.
  • Spurðu gestgjafann út í flóttaleiðir og hvar má leita skjóls auk þess hvar finna má slökkvitæki, sjúkrakassa og svo framvegis.
  • Athugaðu hvort eignin sé með reyk- og kolsýringsskynjara. Ef svo er skaltu staðfesta hjá gestgjafanum að skynjarinn sé í gangi en ef svo er ekki skaltu passa upp á loftræstingu svo að ekkert komi fyrir.
  • Fáðu á hreint hjá gestgjafanum hvernig á að nota eldhústæki, gaseldavél, hitun, ljós og baðtæki.
  • Fáðu á hreint hjá gestgjafanum hvernig á að nota sundlaugina, rennibraut, rólur og önnur leiktæki.
  • Leitaðu ráða hjá gestgjafanum um ferðir í næsta nágrenni svo sem vegna öryggis seint að kvöldi.
  • Ef börn eru með í för skaltu athuga hjá gestgjafanum hvort gripið hafi verið til varúðarráðstafana sem gætu til dæmis verið að setja handrið fyrir glugga, stiga og sundlaugar.
  • Ef börn eru með í ferðinni skaltu sjá til þess að fylgst sé með þeim og ekki skilja þau eftir ein í eigninni.
Útritunarábendingar
  • Byrjaðu á að hafa samband við gestgjafann til að staðfesta upplýsingar um útritun eins og tímasetningu og hvernig lyklum er skilað.
  • Passaðu að skrúfað sé fyrir vatn og slökkt sé á rafmagni eða að engin hætta stafi af því.
Gátlisti fyrir örugga ferð
  • Mundu að kaupa ferðatryggingu áður en ferðin hefst.
  • Kynntu þér áfangastaðinn fyrir ferðina til að hafa upplýsingar um öryggi, veður, umferð, samskipti og svo framvegis.
  • Gerðu afrit af skilríkjum þínum og geymdu afritin annars staðar en skilríkin.
  • Ekki vera með mikinn pening á þér.
  • Kynntu þér og fylgdu landslögum og hefðum.
  • Athugaðu hvort veðurstofan hafi spáð fyrir um náttúruhamfarir á borð við slagveður, fellibyl eða flóð. Ekki vera utandyra ef slæmt veður er í vændum.
  • Ekki vera með eða geyma eldfiman eða hættulegan varning.
Ef neyðarástand kemur upp getur þú hringt eftir hjálp hér:
  • Alþjóðlegt neyðarnúmer utanríkisráðuneytis Kína +86-10-12308eða +86-10-59913991 (ýttu á „0“ þegar þú færð samband og því næst á „9“ til að fá þjónustu).
  • Sólarhringsþjónusta Airbnb á kínversku: 400-022-1666
  • Í Airbnb appinu smellir þú á „ég“ - „ferðir“ og því næst á hnappinn fyrir „neyðarsímtal“ í ferðaspjaldinu en þá færðu samband við neyðarlínuna á staðnum (við höfum nú þegar sett upp tengingu við 69 lönd og svæði).