Tillögur birtast þegar slegið er inn í leitarreitinn. Notaðu örvarnar upp og niður við yfirferð. Ýttu á „enter“ til að velja. Ef nokkur orð eru valin saman eru þau notuð sem leitarstrengur. Ef tillagan er hlekkur opnast sú síða í vafranum.
Leiðbeiningar
Gestgjafi

Að breyta bókun sem gestgjafi

Aðstæður geta orðið til þess að þú getur ekki tekið á móti gestum eins og þú ætlaðir þér. Ekki er hægt að breyta fyrri bókunum. Ef þú vilt breyta staðfestri eða yfirstandandi bókun sendir þú gestinum breytingabeiðni á ferð þar sem þú leggur til nýjar dagsetningar, verð eða fjölda gesta. Þú getur jafnvel lagt til að gestir gisti á öðrum stað ef þú átt fleiri en eina eign.

Sendu gestinum beiðni um breytingu á ferð

Ef þú getur ekki tekið á móti gestinum þar sem hann bókaði en þú ert með pláss í annarri eign þarftu að spyrja hvort það sé í lagi áður en þú sendir beiðni um breytingu ferðar:

  • Sendu gestinum þínum skilaboð varðandi breytinguna og settu inn hlekk á skráninguna sem þú leggur til. Mundu að taka fram breytingu á verði ef hún er til staðar
  • Ef viðkomandi samþykkir getur þú sent breytingabeiðni
  • Ef viðkomandi samþykkir ekki og vill ekki lengur halda bókuninni þarftu að hætta við hana svo að hægt sé að bóka annars staðar

Passaðu að breytingarnar stangist ekki á við skráningarstillingar þínar. Einnig er gott að senda gestinum skilaboð sem útskýra ástæðu þess að þú óskar eftir breytingum.

Að senda breytingabeiðni:

  1. Smelltu á í dag og bókanir
  2. Smelltu á á næstunni og veldu bókunina sem þú vilt breyta
  3. Smelltu á upplýsingar og smelltu svo á breyta bókun
  4. Breyttu um skráningu, dagsetningar, fjölda gesta eða verð
  5. Farðu yfir breytingarnar og smelltu svo á senda beiðni

Hvernig þetta gengur fyrir sig

Ef gestur hafnar eða svarar ekki helst bókunin óbreytt. Ef viðkomandi samþykkir verður bókunin uppfærð í samræmi við nýju breytingarnar. Gestur þinn getur einnig sent þér breytingarbeiðni (til að stytta ferð sína eða bæta við nóttum). Frekari upplýsingar um að svara breytingarbeiðni gests og hafna breytingarbeiðni á ferð.

Ef verðið breytist verður mismunurinn innheimtur eða endurgreiddur til viðkomandi eftir því sem við á. Ef greiðslan berst ekki innan 48 klst. verður breytingunni sjálfkrafa hafnað og bókunin fer aftur í fyrra horf.

Ef dagsetningarnar breytast mun afbókunarregla þín gilda fyrir nýju dagsetningarnar.

Hafðu í huga að þú getur aðeins sent eina beiðni til gests í einu. Gerðir þú mistök? Þú getur ekki breytt henni eftir að þú sendir hana en þú getur hætt við og sent nýja með því að endurtaka skrefin hér að ofan.

Þegar breytingar hafa verið gerðar þurfa allar frekari breytingar að fara í gegnum ferli nýrrar beiðni eins og lýst er hér að ofan.

Aðrar upplýsingar

Hér eru nokkur atriði í viðbót til að hafa í huga við gerð breytingarbeiðni:

  • Viljir þú breyta um skráningu verður nýja skráningin að heyra undir sama gestgjafaaðgang (skráning á aðgangi samgestgjafa gengur ekki)
  • Bókanir geta ekki skarast á, jafnvel ekki aftur í tímann sé breytingin gerð í miðri bókun
  • Breytingar eru ekki mögulegar ef útritunardagur gests er þegar liðinn
  • Eftir að bókun er hafin getur gestur ekki breytt fjölda gesta í eigninni
    • Þurfi gestur þinn að bæta fleiri gestum við bókun sína skal nota úrlausnarmiðstöðina til að ganga frá viðbótargreiðslunni sem þú og gesturinn hafið komið ykkur saman um
  • Ef þú breyttir verðinu hjá þér fyrir nýju dagsetningarnar áður en óskað var eftir breytingu verður nýja bókunin í samræmi við það verð nema að gesturinn hafi bókað sértilboð. Frekari upplýsingar um verðbreytingu á staðfestri bókun eða bókun í bið
  • Breytingar á dagsetningum geta haft áhrif á það hvort gestur þinn eigi enn rétt á viku- eða mánaðarafslætti
  • Skattar fyrir bókun eru ávallt endurreiknaðir ef breytingar eru gerðar þannig að þeir séu í samræmi við nýjustu og nákvæmustu skattkröfur þar sem eignin er

Hvernig verðbreytingar eru ákvarðaðar

Verð upphaflegrar bókunar helst óbreytt þegar það á við, sem þýðir að breytingar skila sér aðeins í breyttu verði þegar dögum er bætt við bókun.

Í tilfelli sértilboðs eða forsamþykkis:

  • Séu gerðar breytingar á dagsetningum verður verðið endurreiknað eins og um væri að ræða afbókun og endurbókun
  • Ef engar breytingar eru gerðar á dagsetningum helst verðið óbreytt

Lengri dvöl

Ef bókun varir í 28 nætur eða lengur gildir afbókunarreglan fyrir lengri dvöl.

Ef þú ert gestgjafi og gestur þinn vill breyta bókun sinni verður þú að samþykkja breytingarnar ef:

  • Ferð er ekki hafin en innritunardagur er innan næstu 30 daga
  • Ferð er hafin en færri en 30 nætur vantar í útritunardag
  • Gestur vill breyta innritunardegi eða framlengja bókun

Breytingar gætu tekið gildi sjálfvirkt ef:

  • Ferð er ekki hafin og meira en 30 dagar eru þar til bókun hefst
  • Ferð er hafin en 30 nætur eða meira vantar í útritunardag

Ef lengri dvöl er breytt þannig að hún vari í 27 nætur eða styttra (skammtímagisting) ber gesti að greiða fyrir eftirstandandi 30 daga að afbókunardegi loknum eða þar til bókun lýkur séu færri en 30 dagar eftir.

Þegar bókun er breytt úr langtímadvöl þannig að hún vari í 27 nætur eða styttra (skammtímagisting) munu frekari breytingar eða afbókanir á bókuninni heyra undir afbókunarreglu þína.

Var þessi grein gagnleg?

Greinar um tengt efni

Fáðu aðstoð í tengslum við bókanir, aðganginn þinn og fleira.
Innskráning eða nýskráning