Hvenær útborgunin berst þér

Hér eru góðu fréttirnar: Peningarnir þínir eru á leiðinni! En hvenær færðu þá?

Við millifærum útborgun þína um sólarhring eftir að gesturinn innritar sig í eignina og útborgunarmátinn ákvarðar hve langan tíma það tekur þig að fá greiðsluna. Kynntu þér meðalúrvinnslutíma hér að neðan.

Ef bókunin er langdvöl millifærum við útborgun fyrir fyrsta mánuðinn um það bil sólarhring eftir að gesturinn innritar sig og við sendum allar útborganir mánaðarlega eftir það. Frekari upplýsingar um hvernig útborganir fyrir langdvöl ganga fyrir sig.

Athugaðu: Útborganir samgestgjafa eru yfirleitt millifærðar á sama tíma og útborganir gestgjafa og upplýsingarnar hér eiga einnig við um þær. Þú getur nálgast frekari upplýsingar um hvernig útborganir samgestgjafa ganga fyrir sig.

Meðalúrvinnslutími

Þegar Airbnb sendir útborgun til þín er hún send til úrvinnslu áður en hún berst til greiðslufyrirtækis þíns. Það þýðir að yfirleitt líður lengri tími þar til greiðslan berst inn á reikninginn þinn.

• Hraðgreiðsla: 30 mínútur eða minna frá því að Airbnb millifærir útborgunina (aðeins í boði í Bandaríkjunum)
• Bankareikningur: 5–7 virkir dagar
• PayPal: Innan eins virks dags
• Fyrirframgreitt Payoneer Mastercard debetkort: Innan sólarhrings
• Alþjóðleg millifærsla: 3–7 virkir dagar
• Western Union: Einn virkur dagur en það er mismunandi milli landa/svæða
• MLC kort (aðeins á Kúbu): 3–5 virkir dagar

Yfirfarðu útborgunarstillingarnar

Gættu þess að tilgreina minnst einn útborgunarmáta til að þú getir fengið greitt. Þú getur alltaf skoðað stöðu útborgunar í tekjustjórnborðinu.

Heildarupphæðin er yfirleitt greidd í einu lagi ef innritun á sér stað í fleiri en einni eign sama dag. Ef þú hefur tilgreint lágmarksútborgun verður útborgunin ekki millifærð þar til tilgreindri fjárhæð er náð.

Tafir vegna helga og frídaga

Bankar vinna ekki úr millifærslum um helgar eða á almennum frídögum og því verður greiðslan þín afgreidd á næsta virka degi. Hafðu samband beint við bankann þinn ef þú hefur einhverjar spurningar.

Með hraðgreiðslu og Payoneer er hægt að vinna úr millifærslum útborgana um helgar og á frídögum.

Tími og yfirferð á millifærslum

Allar færslur gætu verið yfirfarðar áður en þær eru millifærðar. Við gætum til dæmis farið yfir færslu til að koma í veg fyrir svik. Þetta gæti leitt til þess að tafir verði á millifærslunni, hlé verði gert á henni eða hún tekin út af aðganginum þínum. Í þessum tilvikum gætum við þurft að takmarka aðgangsheimildir og greiðslumillifærslur og þú gætir þurft að veita viðbótarupplýsingar til að staðfesta á þér deili.

Yfirferð er hluti af stöðluðu ferli hjá mörgum fyrirtækjum eins og Airbnb til að koma í veg fyrir svik og fylgja reglugerðum.

Gjöld kunna að eiga við

Í sumum tilvikum kann að vera að fjármálafyrirtækið eða útborgunarmátinn sem þú notar til að taka á móti greiðslum innheimti viðbótargjald. Kynntu þér nánar hvernig útreikningur á útborgun fer fram.