Hvernig skilríkjum er framvísað

Þegar þú bókar gistingu þar sem staðfestingu á auðkenni er krafist birtist þetta skref á greiðslusíðunni og það tekur vanalega innan við mínútu að ljúka því. Þegar þú hefur sent inn upplýsingarnar þínar geta liðið allt að 12 klukkustundir þar til auðkenni þitt er yfirfarið og samþykkt.

Ef við getum einhverra hluta vegna ekki notað upplýsingarnar sem þú gefur upp til að staðfesta auðkenni þitt munum við biðja þig um að staðfesta það með öðrum hætti, eins og með opinberum skilríkjum.

Það sem við gætum óskað eftir

Við gætum óskað eftir eftirfarandi frá þér sem hluta af staðfestingarferlinu:

• Nafni að lögum, heimilisfangi og/eða öðrum persónuupplýsingum. Oft nægja þessar upplýsingar til að staðfesta auðkenni þitt.
• Ljósmynd af opinberum skilríkjum þínum. Þetta gæti verið ökuskírteini, vegabréf, kennivottorð eða vegabréfsáritun. Frekari upplýsingar um mismunandi tegundir af opinberum skilríkjum.
• Sjálfsmynd. Við gætum beðið þig um sjálfsmynd ásamt opinberum skilríkjum þínum. Ef þú getur ekki framvísað sjálfsmynd sem stemmir við opinberu skilríkin getur þú haft samband við okkur og óskað eftir öðrum staðfestingarmáta.

Frekari upplýsingar um staðfestingu á auðkenni.

Áttu í vandræðum? Prófaðu þetta:

• Skoðaðu skilaboðin þín: Þér gætu hafa borist viðbótarupplýsingar með textaskilaboðum, tölvupósti eða símleiðis. Telur þú að þú hafir misst af tölvupósti? Frekari upplýsingar.
• Veittu myndavélaheimild: Airbnb appið eða vafrinn sem þú notar gætu þurft heimild til að nota myndavélina þína. Virkar þetta ekki enn? Prófaðu að endurhlaða appið eða síðuna.
• Notaðu hágæðamyndir: Taktu myndir í herbergi með góðri lýsingu og gættu þess að andlit þitt sé skýrt en ekki hulið og komdu upplýsingum fyrir innan hvítu línanna. Með því að nota „sjálfvirkan“ ham getur appið sjálfkrafa tekið hágæðamyndir en þú getur alltaf breytt honum til baka í handvirka stillingu. Höfuðföt af trúarlegum ástæðum eru í góðu lagi en gættu þess að það sjáist í augu þín, nef og munn.
• Sendu inn myndir af upprunalegum (ekki ljósrituðum) og óskemmdum skilríkjum: Við getum ekki samþykkt ljósrit, PDF eða annað stafrænt afrit af opinberum skilríkjum þínum. Vinsamlegast passaðu að notandamyndin sé skýr og að hún sé ekki kámug. Ef tvær hliðar eru á skilríkjunum, eins og ökuskírteini eða innlendu kennivottorði skaltu senda inn mynd bæði af fram- og bakhlið.
• Gættu þess að skilríkin sem þú framvísar séu gild: Við getum ekki tekið við skóla- eða framhaldsskólaskilríkjum, bókasafnsskírteini, líkamsræktarkorti eða hernaðarskilríkjum. Frekari upplýsingar um mismunandi tegundir skilríkja til staðfestingar.
• Taktu beina mynd af opinberu skilríkjunum: Ekki er hægt að samþykkja ljósmynd af opinberu skilríkjunum sem birtast í öðrum farsíma eða tölvu.