Stökkva beint að efni
    Haltu áfram til að sjá tillögur að niðurstöðum
    Fréttir af COVID-19
    Til að finna leiðir til að afbóka og fá endurgreitt velur þú bókun á ferðasíðunni. Reglur okkar um gildar málsbætur eiga aðeins við um tilteknar bókanir. Ef þú átt innritun eftir 15. september verða nýrri upplýsingar hér 15. ágúst 2020.

    Hvað þarf ég að vita áður en ég tek þátt í netupplifun á Zoom?

    Zoom er verkvangur þriðja aðila í skýi fyrir myndfundi og hann er hægt að nota í tölvum, spjaldtölvum og farsímum.

    Kerfiskröfur og nettenging

    Áður en þú tekur þátt í upplifun þarft þú að vera viss um að búnaðurinn standist kerfiskröfur Zoom og prófa nettenginguna með því að mæta á prufufund.

    Frekari upplýsingar um kerfiskröfur fyrir tölvur má finna í grein í hjálparmiðstöð Zoom um kerfiskröfur fyrir PC, Mac og Linux. Frekari upplýsingar um kerfiskröfur fyrir snjalltæki má finna í grein um kerfiskröfur fyrir iOS, iPadOS og Android. Mættu á prufufund til að prófa nettenginguna.

    Friðhelgi við notkun á Zoom

    Friðhelgi notenda skiptir okkur máli. Hér eru þær ráðstafanir sem við höfum gripið til svo að friðhelgi notenda sé örugg í netupplifunum sem og ábendingar fyrir ykkur til að gæta eigin öryggis við notkun á Zoom.

    Svona verndar Airbnb friðhelgi notenda sem nota Zoom:

    • Fyrir hverja upplifun er búið til slembiauðkenni með lykilorði
    • Ekki er hægt að taka upplifanir upp
    • Slökkt er á mynd frá gestum sem tengjast fundarherbergi á Zoom
    • Gestir geta ekki deilt skjám sínum meðan upplifunin fer fram
    • Gestir geta ekki spjallað einir hver við annan í gegnum Zoom
    • Ekki er hægt að senda skrár gegnum Zoom
    • „Biðstofan“ fer sjálfvirkt í gang svo að gestgjafar geta hleypt gestum inn í fundarherbergið á Zoom einum á eftir öðrum

    Góðar ráð til að gæta eigin friðhelgi:

    • Ekki deila fundarhlekk með lykilorði á Zoom með neinum öðrum
    • Notaðu nýjustu útgáfu Zoom appsins
    • Gættu þess sem er í kringum og fyrir aftan þig þegar þú ert á mynd. Þetta geta gestgjafi þinn og aðrir gestir séð
    • Slökktu á hljóðsendingu þangað til þú vilt byrja að tala
    • Notaðu hópspjallið varlega þar sem allir þátttakendur geta lesið það sem þú póstar
    • Ef þú vilt ekki gefa gestum og upplifunargestgjafanum fullt nafn þitt getur þú slegið inn annað heiti eða notað aðeins eiginnafn þitt þegar þú skráir þig inn á Zoom.
    • Vinsamlegast ekki taka skjámyndir eða ljósmyndir af gestgjafa þínum og öðrum gestum án þess að fá leyfi fyrir því.

    Hvar gestgjafinn verður

    Þú færð hlekk til að mæta í netupplifunina með staðfestingarpóstinum og áminningarpósti sem er sendur rétt áður en netupplifunin hefst. Þú getur einnig fundið hann í bókunarupplýsingum á ferðasíðunni.

    Skráðu þig inn á Zoom að minnsta kosti 5 mínútum áður en upplifun hefst til að ganga úr skugga um að allt virki rétt og svo að þú mætir tímanlega. Athugaðu að gestgjafi þinn getur hafnað gestum sem koma of seint og að þeir sem koma of seint eiga ekki rétt á endurgreiðslu. Frekari upplýsingar er að finna í grein um endurgreiðslureglur upplifunargesta.

    Vandamál með Zoom

    Gættu þess að þú hafir réttan hlekk á netupplifunina. Lokaðu Zoom og reyndu hlekkinn aftur hafi hann ekki virkað. Hafðu samband við gestgjafann ef hlekkurinn virkar ekki enn eftir þetta til að athuga hvort gestgjafinn eigi í vandræðum með Zoom.

    Biðji Zoom um lykilorð skaltu senda gestgjafanum skilaboð í gegnum Airbnb til að óska eftir lykilorðinu.

    Ef gestgjafinn á ekki í vandræðum skaltu að endingu skoða hjálparmiðstöð Zoom.

    Vandamál vegna friðhelgi eða öryggis í upplifuninni

    Ef þú rekst á óviðeigandi efni, eða ef þú hefur eitthvað út á friðhelgi eða öryggi að setja í upplifuninni, skaltu hafa samband við þjónustuver Airbnb og tilkynna málið. Gefðu eins miklar upplýsingar og þú getur og Airbnb rannsakar málið.

    Fékkstu þá aðstoð sem þú þurftir?