Stökkva beint að efni
    Haltu áfram til að sjá tillögur að niðurstöðum
    Undirstöðuatriði Airbnb

    Reglur um gildar málsbætur

    Athugaðu: Þessi grein fjallar ekki um málsbætur sem tengjast heimsfaraldri kórónaveirunnar (COVID-19). Kynntu þér grein okkar um gildar málsbætur vegna COVID-19 fyrir frekari upplýsingar um hvaða aðstæður teljast gildar vegna COVID-19 og þá einkum hvaða takmarkanir gilda um bókanir sem eru gerðar eftir 14. mars 2020.

    Þessar reglur gilda um innritun 19. janúar 2021 eða fyrr. Við innritun eftir þann dag gilda uppfærðu reglurnar hér að neðan.

    Gildir til: 19. janúar 2021

    Hvernig þetta virkar

    Við getum mögulega gefið þér endurgreiðslu eða fallið frá afbókunarviðurlögum ef þú þarft að afbóka af óvæntum ástæðum sem þú hefur ekki stjórn á. Hér að neðan eru taldar upp aðstæður sem heyra undir viðmiðunarreglur okkar um gildar málsbætur. Áður en þú afbókar skaltu athuga hvort aðstæðurnar séu taldar upp hér að neðan og þú getir lagt fram gögnin sem þarf.

    Mikilvægt er að hafa í huga að afbókanir án viðurlaga eru aðeins í boði vegna gildra málsbóta sem eiga sér stað fyrir formlegan innritunardag bókunarinnar. Að auki eiga reglur okkar um gildar málsbætur ekki við um bókanir hjá Luxe eða Luxury Retreats sem falla undir sérstakar reglur um endurgreiðslu til gesta hjá Luxe.

    Aðstæður sem þarfnast skjalfestingar

    Dauðsfall gestgjafa, gests eða samgestgjafa, viðbótargests, nánasta aðstandanda eða umönnunaraðila. Þú þarft að sýna eitt af eftirfarandi:

    • Dánarvottorð
    • Dánartilkynningu
    • Fréttagrein þar sem hinn látni er nefndur
    • Lögregluskýrslu

    Óvænt, alvarleg veikindi eða líkamstjón gestgjafa eða einhvers úr hópi gesta. Þú þarft að framvísa læknisvottorði til staðfestingar á því að viðkomandi geti ekki tekið á móti gestum eða ferðast vegna óvæntra, alvarlegra veikinda eða líkamstjóns. Vottorðið þarf einnig að vera dagsett eftir að gengið var frá bókuninni og það lagt fram innan 14 daga frá afbókun. Ástand sem var til staðar og notandi vissi af við bókun fellur ekki undir reglur okkar um gildar málsbætur að svo stöddu.

    Takmarkanir sem hið opinbera leggur á svo sem seta í kviðdómi, ferðatakmarkanir, mæting fyrir dómi og hernaðarstarf. Þú þarft að leggja fram afrit af opinberri tilkynningu dagsettri eftir að gengið var frá bókuninni með nafni þess sem þarf að sinna skyldunni.

    Ófyrirséð eignatjón, viðhald eða vandamál vegna þæginda tengd skráðu eigninni á Airbnb sem valda gestum hættu eða koma í veg fyrir að gestir fái afnot af nauðsynlegum þægindum á borð við rennandi vatn. Þetta á ekki við um fyrirhugaðar endurbætur. Þú þarft að sýna allt af eftirfarandi:

    • Sönnun þess að verið sé að laga vandamálið
    • Áætlun um hvenær viðgerðum lýkur
    • Reikning fyrir yfirstandandi viðgerðum
    • Ljósmyndir af tjóninu

    Samgöngutruflanir sem valda því að ómögulegt er að komast á áfangastað en þetta geta meðal annars verið lokanir á vegum eða afbókanir á flugi þegar ekki er hægt að ferðast með öðrum samgöngumáta. Þar með taldar eru lokanir og niðurfellingar vegna náttúruhamfara svo sem jarðskjálfta og aftakaveðurs. Þú munt þurfa að sýna tilkynningu um lokun vegarins eða gögn frá flugfélaginu um niðurfellingu flugsins og fylgiskjöl sem sýna fram á að ekki sé hægt að ferðast á áfangastaðinn.

    Niðurfellingar á flugi, rútum eða ferjum þegar engar aðrar ferðir voru í boði sama dag. Þú munt þurfa að sýna gögn þess efnis að flutningafyrirtækið hafi ekki starfað þann dag svo sem skjámynd af vefsetri félagsins eða hlekk á opinbera yfirlýsingu frá flutningafyrirtækinu.

    Aðstæður sem þarfnast sérstakrar skoðunar

    Engar kröfur eru um áskilin skjöl við þessar aðstæður en við setjum sérhæft teymi í að yfirfara hvert mál til staðfestingar á því að það eigi við um þig.

    Bókanir á opnum heimilum sem hafa verið felldar niður. Frekari upplýsingar um opin heimili.

    Náttúruhamfarir, hryðjuverkastarfsemi og borgaraleg eða pólitísk ókyrrð sem koma í veg fyrir að gestir ferðist til áfangastaðar, eða frá áfangastað, eða sem stofna gestum í hættu.

    Farsótt eða sjúkdómur sem leggst skyndilega á í héraði eða heilan hóp fólks. Þetta á ekki við um sjúkdóma sem eru þegar landlægir á staðnum eins og t.d. mýraköldu í Taílandi eða beinbrunasótt í Havaí. Allar breytingar á reglum varðandi uppkomu sjúkdóms og umfang reglubeitinga verða teknar á grundvelli tilkynninga frá Alþjóðaheilbrigðismálastofnuninni og staðaryfirvöldum.

    Ferðatakmarkanir lagðar á af ríkisstjórn, löggæslustofnun eða hernum til takmörkunar á ferðum þangað sem eignin eða upplifunin er staðsett eða af staðnum.

    Öryggisviðvaranir gefnar út varðandi staðsetningu þar sem eign eða upplifun er eða á brottfararstað gestahóps.

    Lokun á nauðsynlegri veituþjónustu sem hefur áhrif þar sem eignin eða upplifunin er staðsett.

    Breytingar á kvöðum um vegabréf eða vegabréfsáritanir sem gera fólki ófært að komast á áfangastað sinn. Þetta á ekki við um týnd eða útrunnin ferðaskilríki.

    Hvað tekur við

    Þegar þú hefur staðfest að þínar kringumstæður falli undir ofangreint skaltu fyrst fella niður heimilisbókun þína eða upplifun á Airbnb. Ef bókunin þín telst hafa viðurkenndar og gildar málsbætur verður þér tilkynnt að bókunin þín uppfylli skilyrði fyrir afbókun án viðurlaga og þér verður endurgreitt að fullu ef þú ert gestur.

    Ef bókunin þín uppfyllir ekki skilyrðin sjálfkrafa skaltu halda afbókuninni áfram og hafa svo samband við okkur til að stofna kröfu. Við leiðum þig í gegnum næstu skref svo sem að leggja fram áskilin gögn og að bíða eftir því að teymið okkar hafi yfirfarið málið þitt. Leggja þarf kröfur fram innan 14 daga frá afbókun.

    Athugaðu: Neðangreindar reglur um gildar málsbætur gilda um alla innritun 20. janúar 2021 eða síðar. Núverandi reglur hér að ofan gilda áfram fyrir alla innritun fyrir 20. janúar 2021. Beiting þessara reglna varðandi COVID-19 breytist ekki þegar nýju reglurnar taka gildi 20. janúar 2021 og flestar aðstæður tengdar COVID-19 verða áfram undanskildar.

    Reglur um gildar málsbætur

    Gildistími: 20. janúar 2021

    Yfirlit

    Þessar reglur um gildar málsbætur útskýra meðhöndlun afbókana þegar ófyrirséðir atburðir sem þú hefur ekki stjórn á koma upp eftir bókunina og gera það ófært eða ólöglegt að ljúka bókuninni. Þessar reglur gilda um bókanir á gistingu sem og upplifunum.

    Þegar þessar reglur heimila afbókun gilda þær í stað afbókunarreglum bókunarinnar. Gestir sem verða fyrir áhrifum af atburði sem fellur undir þessar reglur geta afbókað og fengið endurgreitt, eftir aðstæðum, í formi reiðufjár, ferðainneignar og/eða annars endurgjalds. Gestgjafar sem verða fyrir áhrifum af atburði sem fellur undir þessar reglur geta afbókað án neikvæðra afleiðinga en í dagatali gæti verið lokað fyrir dagana sem niðurfellda bókunin átti að eiga sér stað eftir aðstæðum.

    Hvaða atburðir eru gjaldgengir

    Í þessum reglum vísar hugtakið „atburður“ til eftirfarandi aðstæðna sem koma upp eftir bókun, eru ófyrirsjáanlegar þegar bókun er gerð og koma í veg fyrir, eða banna með lögum, að bókun sé lokið.

    Breytingar á kröfum stjórnvalda um ferðalög. Óvæntar breytingar opinberra stofnana á kvöðum um vegabréfsáritanir eða vegabréf sem koma í veg fyrir að fólk komist á áfangastað sinn. Þetta á ekki við um týnd eða útrunnin ferðaskilríki eða aðrar persónulegar aðstæður sem tengjast heimild gests til að ferðast.

    Yfirlýst neyðarástand og faraldrar. Staðbundið eða landlægt neyðarástand, faraldrar, heimsfaraldrar og neyðarástand fyrir lýðheilsu sem stjórnvöld lýsa yfir. Þetta á ekki við um sjúkdóma sem eru landlægir eða algengir á staðnum eins og t.d. mýrakalda í Taílandi eða beinbrunasótt í Havaí.

    Ferðatakmarkanir stjórnvalda. Ferðatakmarkanir opinberra stofnana sem koma í veg fyrir eða banna að fólk komist á, dvelji eða komist aftur til baka frá staðnum þar sem skráða eignin er. Þetta nær ekki yfir ferðaráðleggingar og aðra slíka opinbera leiðsögn sem er ekki bindandi.

    Hernaðarbrölt og önnur -átök. Stríðsárásir, átök, innrásir, borgarastyrjöld, hryðjuverkaárásir, sprengingar, sprengjur, uppreisnir, óeirðir og borgaraleg óreiða eða óeirðir.

    Náttúruhamfarir. Náttúruhamfarir, stórfelld bilun á nauðsynlegri veituþjónustu, eldgos, flóðbylgjur og aðrir alvarlegir og óeðlilegir veðuratburðir. Þetta á ekki við um veður eða náttúrulegar aðstæður sem eru nógu algengar til að vera fyrirsjáanlegar á þeim stað, til dæmis fellibyljir sem verða á fellibyljatímabilinu í Flórída.

    Hvað fellur ekki undir þær

    Allt annað. Þessar reglur leyfa aðeins afbókanir vegna ofangreindra atburða. Allt annað er undanskilið. Dæmi um aðstæður sem þessar reglur leyfa ekki afbókanir vegna eru: óvæntur sjúkdómur, veikindi eða meiðsli, opinberar skyldur eins og kviðdómsseta, mæting fyrir rétti eða hernaðarstörf; ferðaráðleggingar eða aðrar leiðbeiningar stjórnvalda (sem eru vægari en ferðabann), afbókun eða breyting á tímasetningu viðburðarins sem bókunin er vegna og samgöngutruflanir sem tengjast ekki atburði sem fellur undir reglurnar svo sem lokanir á vegum og afbókanir á flugi og ferðir með lestum, rútum eða ferjum. Ef þú hættir við bókun í þessum tilvikum miðast endurgreiðslan við afbókunarregluna sem gildir um bókunina.

    Hvað tekur við

    Ef við látum þig vita eða birtum upplýsingar sem staðfesta að þessar reglur gildi um bókunina þína skaltu fylgja afbókunarleiðbeiningunum frá okkur. Þegar við höfum tilkynnt þér eða birt upplýsingar um hvernig reglurnar eiga við ættir þú að geta afbókað samkvæmt þessum reglum með því að opna ferðasíðuna þína og fella þar niður bókunina sem varð fyrir áhrifum. Ef þú telur þessar reglur gilda um bókun þína en við höfum ekki tilkynnt þér eða birt upplýsingar um atburðinn skaltu hafa samband við okkur til að fella bókun þína niður. Þú ættir í öllum tilvikum að búa þig undir að leggja fram gögn sem sýna hvernig atburðurinn hefur haft áhrif á þig eða bókunina þína.

    Ef þú hefur spurningar skaltu hafa samband við okkur.

    Önnur atriði sem þarf að hafa í huga

    Þessar reglur gilda um allar bókanir með innritun frá og með gildisdegi. Þessar reglur gilda ekki um bókanir hjá Luxe eða sem falla undir sérstakar reglur um endurgreiðslu til gesta hjá Luxe.

    Greinar um tengt efni
    Fékkstu þá aðstoð sem þú þurftir?
    Finnurðu ekki það sem þig vantar?
    Finndu efni fyrir tiltekna flokka í þessum hlutum hjálparmiðstöðvarinnar.